Ɛebdelɛaziz Butefliqa

Seg Wikipedia
Neggez ar: ẓer isebtar, anadi
Ɛebdelɛaziz Butefliqa

Ɛabdelɛaziz Butefliqa (s taɛrabt عبد العزيز بوتفليقة, s tefranṣiṣt Abd El-Aziz Bouteflika) d aselway n Dzayer, ilul ass 2 meɣres 1937 di tmurt n Merruk. Yuli d aselway tikkelt tamezwarut di 15 ybrir 1999 s lemɛiwna n iserdasen (lɛesker) n Dzayer. I wannecta imrecḥin nniḍen i sddis (6) deg-sen am Ḥusin At Aḥmed, jebdent iman-nsent di tefrant n tselwit n 1999. Di 8 yebrir 2004, tuɣal daɣen d tasellawt i tikkelt nniḍen dima s lemɛiwna n iserdasen d serbisat ibaḍniwen, s wazal n 85% n leṣwat, ɣas ulamma llan 6 imrecḥin, gar-asen Saɛid Seɛdi. Leqbayel, ɣur-sen Ɛabdelɛaziz Butefliqa d taneqiṭ taberkant deg umezruy nsen, imi di tafsut Taberkant n 2001 yaɛmed i tmenɣiwt n wazal n 126 iqbayliyen sɣur iǧadarmiyen, ur ten icureɛ.

Baba-s n Ɛabdelɛaziz Butefliqa, Aḥmed Butefliqa illul di Tlemsan di 1891 u yemmut ass n 1 dujenbir 1958. Illa meẓẓiy mi yunag ar tmurt n Merruk ar tɣiwant n Wejda. Aḥmed Butefliqa yuɣ-es snat tlawin: Belqayed Rabiɛa d Ɣezlawi Mansuriya, i yellan d yemma-s n Ɛebdelɛaziz Butefliqa. Tella tesɛa yiwen n Ḥemmam di Wejda.

Ɛabdelɛaziz Butefliqa illa d amenzu ger kuẓ (4) wayetma-s sɣur yemma-s. Wigi d Ɛabdelɣani (1940), Musṭafa (1953), Laṭifa (1955), Ɛabderraḥim (1956), d Saɛid Butefliqa (1958). Lameɛna yesɛa daɣen kraḍ (3) yessetma-s sɣur baba-s, ar tmeṭṭut tis snat Belqayed Rabiɛa. Tiki d Faṭima (1934), Yamina (1938), d Ɛica (1941).

Ɛabdelɛaziz Butefliqa yeɣra di tesnawit Abdelmumen di Wejda alama d aseggas aneggaru n 'Baccalauréat' di 1956. Isyin ikcem ar ALN di Wejda ɣas aken urǧin yerfed sslaḥ di Dzayer naɣ innuɣ mgal i franṣiyen imnekcam. Asmi ifra traḍ, tewwi-d tmurt asarug-is, Ɛabdelɛaziz Butefliqa ikcem-d si tlisa n Merruk u yuɣal d aneɣlaf n ilmezyen d waddal deg udabu n Aḥmed Ben Bella. Asmi i yezzi udabu ar tama n Huwwari Bumedyen di 19 Yunyu 1965, yuɣal Ɛabdelɛaziz Butefliqa d aneɣlaf n temsal n berra alama d lmut n Huwwari Bumedyen di 1978.

Isyin Ɛabdelɛaziz Butefliqa yesɛeda azal n 20 iseggasen d iminig deg kra n tmura am Swis, Franṣa d Tageldunt n Waɛraben Iduklen anda ixdem ar ugellid-is Cix Zayed Ben Ṣulṭan Al Nahyan n imiren. Lameɛna yettruḥu yettuɣal ger timura yagi d Dzayer, la yettraju ass melmi ara d-yuɣal ar udabu. Di ɣucṭ 1990, izwej i tikkelt tamezwarut ak° d Amal Triki, yelli-s n Yaḥya Triki, i yellan yiwen u 'diplomate' aqbur di tmurt n Maṣer. Amal Triki tettidir di 'Paris', ur tesɛa ara derya akw d Ɛabdelɛaziz Butefliqa.

Di 22 dujenbir 1981 Ɛabdelɛaziz Butefliqa iɛedda di ccreɛ af takarḍa n tedrimt, azal n 6 imelyaren n suntim, asmi yella d aneɣlaf n Huwwari Bumedyen ger 1965-1978. D aselway Cadli Benjdid i t-ismenɛen imi ur isɛda ara lḥebs. D Senusi d Bujakji i yellan xedmen yid-es i kruḥen d asfel n temsalt aki n takarḍa n tedrimt, imi d nitni i sɛeddan lḥebs di Lezzayer tamanaɣt.

Tamselyut, Iseddagen & Izdayen Iberraniyen[beddel]