Ḥusin At Ḥmed

Seg Wikipedia
Neggez ar: ẓer isebtar, anadi

Ḥusin At Ḥmed aselway n Tirni Iɣallen Inemlayen (FFS).

Ilul deg Awussu 1926 deg temdint n Micli deg Tamurt n yezwawen deg 1947 yella d amaslad akk-d yewin n imalwayen imezwura n Organisation spéciale (OS), yiwet n tarbaɛt tunt'ilt i iqedcen ɣef uzarug n Lezzayer.

At Aḥmed yella d yiwen ger n tesɛa imalwayen imezwura i-d-isbedden Tirni n Taslullit Taɣelnawt (FLN) deg 1954; taneggarut-agi tebda-d tagrawal n sebɛa n isegassen mgal Fransa; deg Tuber 1956, imi yeţwattef netta akk d rebɛa n imalwayen nniḍen imi llan deg asafag yeţţeddun ɣer Tunes, Fransa teḥkem fell-as s lḥebs. At Aḥmed yeqqim deg lḥebs armi 1962.

Mbeɛd azarug n Ledzayer deg 05 Yulyu 1962 At Aḥmed yekker-d mgal anabad n dreɛ n Ben Bella iwumi yekcem-d ɣef Ledzayer netta akk-d Bumediene, am anbaz ajdid, s iɛsekriyen n FLN i llan deg Tunes ttrajun tufɣa n Fransa. Deg Tuber 1962 Ben-Bella iḥkem-d fell-as s lmut lameɛna yesmeḥ-as kkra n wussan mbeɛd.


Deg Ibrir 1966 yerwel ɣer Fransa anda yexleq-d deg 1970 FFS. Mbeɛd tasellulit n wenbad n Ledzayer g 1980 seddaw Benjedid, At Aḥmed ikcem-d ɣef Ledzayer; aɣawas n Ait Ahmed yella di tazwara tadukli n Ledayer seddaw yewit n taferfant mgal FLN akk-d amussu n l “FIS”, yewit n tajmaɛt n tagmat n yinsleman i bɣan ad hermen tugdut deg Lezdayer, lamɛna yemxallaf-ed ɣef Agraw i Yedles d Tugdut (RCD) n duktur Saɛid Saɛdi imi aneggaru-agi iherdder-d s lɛinani ɣef izerfan n wegdud amaziɣ ɣas akken i sin llan d Izwawen.

Ibrir 1999, Ait Ahmed ikecem-d am d amankad deg tafrant n teselwit, lameɛna imi arac ameqran n lɣaci ẓran belli takennatt i tella, ijebd-d tanekda-ines, netta akk d xemsa n imalwayen nniḍen azal n 16 n teswiɛin uqbel n tagara n tefrant; deg April 15, Ɛebdelɛaziz Butefliqa weḥd-s kan i d-yeqqim deg tazla ɣef teselwit.

Assimel

"La volonté de paix crée une dynamique de réconciliation qui impose d’elle même les garanties que chacun doit donner aux autres. Et que tous doivent donner à chacun".
"Tamumit n lehna ţexeliq yewit n tilhi n ussemlil i seggren wehdes ayen ilaq ad yefk mkul yiwen i wiyad akk-d wayen akken ilaq lhal ad fken medden merra i mkul yiwen".

Ḥusin At Ḥmed, 1999.

Tamselyut[beddel]