Maziɣ
Maziɣ, s yisem-is unṣib, Kasuri Ɛabdella ; S tefṛansist, KASSOURI Abdellah, d yiwen ucennay n tmurt n Leqbayel, n taddart n wagarsafen, taɣiwant n At Yeǧǧaṛ, id yezga id yezgan deg-wusamar n Tizi Wezzu, ilul di 17 mayu 1976, deg At wizgan (Buzgan).
Tameddurt n Maziɣ[ẓreg | ẓreg aɣbalu]
Temẓi-s[ẓreg | ẓreg aɣbalu]
Di 1957 ; Lemḥella n wefṛansis tesṛeɣ taddart n wagarsafen, Imawlan n Maziɣ fɣen si taddart am nutni am imezdaɣ-is, ṛuḥen zedɣen deg At wizgan ( Buzgan). Maziɣ yekred di twacult anda bab-as yetturar snitra, yemma-s tessefray, tett-dekkir. Asmi yesɛa tam (8) iseggasen, yebda yetturar abendayer ; Si temẓi-s yella iḥemmel aṭas ad isell iycennayen iqbuṛen am Ccix Lḥasnawi, Sliman Ɛazem d wiyaḍ nniḍen… Iḥemmel daɣen ad iḥesses iycennayen atraren id yewwin amaynut i tezlitt taqbaylit, am Ṭayfa, Lmugaṛ, Inas mazel d Aɛli Ɛemṛan … Maziɣ, Ass-a yetturaren aṭas n wallalen n uẓawan, amundul, tajewwaqt d ddarbuka…
Abrid n Cna[ẓreg | ẓreg aɣbalu]
Deg-wuseggas n 1999, Mustafa Benaǧi yeldi-yas tiwwura yeskecmit ad yittiki di tarbaɛt n <Lzayer ttamaziɣit> (Groupe Algérie Berbère, (Le G.A.B)), dinna yella yetturar snitra, abendayer d darbuka… Deg-wuseggas n 2001, tarbaɛt-agi n <Lzayer ttmaziɣit> (Le G.A.B), tessufɣ-ed tasfift-is tanezwarut, izwel-is «A qui le droit». Deg-wuseggas n 2002, Maziɣ, yefɣ-ed si tarbaɛt-agi n <Lzayer ttamaziɣit> (le G.A.B), igezmitt di ṛṛay-is aken ad ikemmel tikli-s deg-webrid n can waḥdes, dinna yebda yettaru isefra i iwẓawan n tezlatin yessewjad. Deg-wuseggas n 2009, yezzid s annar n can, netta d kra n yemdukal-is, d izli n tmaɣṛiwin ixdemen lwaḥid, kra degsen :
Laḥlu Ḥammudi (LAHLOU HAMMOUDI)
Ṣufyan Iǧri ( SOFIAN IDJRI)
Nafaɛ Kasuri (NAFAA KASSOURI) d Lyazid Buɛebba (LYAZID BOUABBA); llan yakan zik di tarbaɛt n Afṛuẓaf (AFROZAF)
Syinna akin, yebda yessewjad yiwen udebsi, izwel-is <Tajmilt iwnaẓuṛ>, ttajmilt i waṭas inaẓuṛen, Aladra inaẓuṛen n tmurt n leqbayel.
Tamselyut[ẓreg | ẓreg aɣbalu]