Leqbayel

Seg Wikipedia
Neggez ar: ẓer isebtar, anadi

Leqbayel(ⵍⴻⵇⴱⴰⵢⴻⵍ), d isem nniḍen i fkan Weɛraben i wegdud Azwaw imi-id kecmen Tafriqt ugafa.

Ansa i d yekka wawal n “Leqbayel[beddel]

Anamek n wawal-agi yekka-d ahat seg teɛṛabt d "(Agdud n) iderman". Rruman ssawalen-asen d Quinquegentanei "semmus (5) n Iderman" (wid izedɣen neɣ yettidiren Mons Ferratus, "Adrar n ğerğer"), wissen isem n tura ma yekka-d seg win n zik neɣ uhu.

Ur neksib ara aḥric ameqran n tansa ɣef umezruy n yisem-aki, maca (d acu kan) nezmer a nefk yiwet n turda yesɛan assaɣ s tawtilt n Tamurt n Izwawen deg ukud-nni (tallit-nni) imi medden ddren seddaw n tezmert neɣ iduba (adabu) n tiddukla n iderman. Ass-aki llan kra imusnawen iqbayliyen i d-yuran dakken isem n yeqbayliyen aẓaran (anaṣli) d Igawawen neɣ Izwawen. Af tekti-yaki amusnaw n Tesmislit azwaw Mass Salem Caker yuran-d dakken Iqbayliyen ttun isem-nsen anaṣli "Izwawen" i d-yekkan seg wassag n yiwet n Taddart yettwasnen aṭas deg Tmurt iqbayliyen zîk. S tutlayt Tafransist awal "Zouave" yekka-d seg Azwaw. Llan kra imusnawen n umezruy igrigiyen i d-yudren awal-ag Aqbayli neɣ iqbayliyen (leqbayel) s talɣa n Cabales. Acku ur nezmir ara ass-a ad d-nefk ttbut ma yella seg wawal-a i d-yekka neɣ uhu, imi ur nesɛi kra n ttbut .

Agdud Azwaw (Agdud Aqbayli)[beddel]

Amezruy n agdud Azwaw, d amezruy ameqran akk-d yewwin i g issewhamen, εeddan luluf n iseggasen, azal 10 000 iseggasen uqbel talalit n Sidna Ɛisa ; d imezdaγ imezwura n Tefriqt ugafa uqbel n tlalit n umezruy atrar, agdud Azwaw d yiwen wegdud gar yegduden iqdimen i yeğğan later deg umezruy n yemdanen.

Agdud Azwaw yedder, yerna yexlef Irrumanen, yiwen amenkud i yestaεmren ddunit irkul, yexlef Ifniqen, ladγa Yugurten yemmut s tidet agdud-is yedder, yexlaf Maryus; tura arraw-is kren ţlaεin i wid ur numin ara; adgud Azwaw atan dagi andaţ Rum ? Dihya temmut, s tideţ, yessi-is krent tura ttnadin; anda-t Ɛuqba Ibn Nafiɛ? I wid mazal ur numin ara agdud Azwaw atan mazal dagi! Tidet amezruy n wegdud Azwaw yessewham acku d yiwen n umezruy yeţwebnan γef taγert, tuccda, akk-d iseflan n imawlan-is.

Ussan agi Izwawen ttidiren g lweqt n la renaissance n-sen, sennig aγebbar n lweqt akk-d d leqhar n iεdawen, tteddun γer zdat, aqlaγ nettwali tallit n lğens, Lğens Azwaw.

Izwawen g zik semman iman-sen Imaziγen , Agdud Amaziγ, win ur neqbil ara lbatel neγ akerwa.

Amezruy Atrar[beddel]

Deg Amezruy Atrar, Izwawen maci d inumidyen inumdiyen d icawiyen d icenwiyen lqbayel nutni des maures pas numides]], llan iγerfan n yewen uwanek, yeddren azal n 100 n iseggasen (seg azal 206 UL* di lweqt n tageldit n Masnsen, agellid di facto n Numidya, armi lexsara n Yugurten g 104 UL) awanek agi yettusema Numidya.

Numidya tella azal n Dzayer akk-d Tamurt n Izwawen lwahid.


Numidya tbedd meyya iseggasen, llan wid qqaren dakken meyya n isegwassen d wacemma, maεna timura n ddunit merra ur sεant ara akter n 30 iseggassen di laεmer-nsent, amek yezmer yewin ad inni belli Numidya d ulac i tella? Numidya i gεacen akter n meyya n iseggasen, ugar n Dzayer akk-d timura n Tefriqt merra, akter n uhric ameqran n timura n Turuft Tagmuḍant, mi teγli Numidya tsεa azal n laεmer n Kanada.

Amnekcam arumani[beddel]

Lestaεmar arumani yenzeg akter n 525 isegassen, seg lexsara n Yugurtan zdat irumaniyen g 104 UL armi uγelluy n inugura agi s iffassen n Geiseric Aεiban (agellid n Ivandaliyen) akk-d inelmaden-is mi g kecmen γer Tafriqt ugafa g 429.

Imnekcamen Ivandalen[beddel]

Geiseric yebnad tageldit tamezwarut n Ivandaliyen g Tafriqt ugafa s Saldae (Bgayet) am tamaneγt-is; yestaεmered Sicillia, Sardenya, Kursika, akk-ed tegzirin n Baleares, yernad yekcem γef Rum yewid yides mi i gefeγ, azal n yewen n ddurt g 455, atas n igerrujen akk-ed iseflawen n lğameε n Lquds (iseflawen i yefkan Udayen i lğameε-nsen) i d yewi Titus γef Roma melmi igstaεmered Lquds.

Amnekcam Abyzanti[beddel]

Ivandaliyen ţwakssent di Tafriqt ugafa s iεsekriyen n Justinianus I, agellid n umekad Abyzanti; amenkad n ivandaliyen ydum-d 105 isegassen (429-534).

Yiwen lamer yesεan atas n wazal di lwegt-nni; ahric ameqran n imaziγen rebhen telelli-nsen, mi yal aggay yetsnaγ mgal wayid.

Amenkad Abyzanti ydumed g Tafriqt ugafa s 534 armi i gxser amgaru mgal Iεraben wid bdan Ttrad n Lesteεmar n Tefriqt g lqern wis tmanya (azal n 642 -705).

Amnekcam Aεrab[beddel]

Iεraben qetεen lebher, staεmren Maser g 642, kemlen alhu-nsen, zedmen γef tamurt n imaziγen, tamurt n leqbayel.

Listiεmar Aεrab, am lbers, di tamuggit γef Izwawen i yella; imi Imaziγen rebhen kkra n lehna, akk-d tallalit, seqsefen azaglu akk-d alehu n amenkud abyzanti γer usamer n tilisa-nsen.

Izwawen nuγen-d mgal Iεraben s wayen akk yellan, s tazmart, s lğehd, s tudert-nsen, imi ţwallan simmal iţeddu aεdaw simmal yexreb, yenγa, yehreq, yeqher ayen yellan d amaziγ, ayen yesεan rruh n umaziγ. Mbeεd akter n sebεa meyya n isegassen n tagrawla, Imaziγen εyan, cban izem nni ur sεin ara azuren merra imi tazzla n idammen-is texla ayen yeqimen di lğehd-is, ayen yeqimmen di tmanegt-is, ur yezmir ad yeker; izem Azwaw yeγli-d ur yekkir ara, Iεraben hesben d lmut i g yemut.

Mbeεd amerni aqher; ilulufen n imaziγen, tilawen xesrent lherma-nsent akk-d asehru-nsent, ilulufen n warrac n Izwawen imelsiyen ufan lmut si ifassen n iεsekriyen Iεraben, ilulufen nnidden zzenzen-ten aklan g leswaq n Mekka.

Imi tfuk Taslekt ni Iεraben, Tafriqt ugafa tuγaled d amγiz ni iklan γef leswaq n Wegmuḍ Alemmas.

Izwawen am akken ad menεen tudert n tarwa-nesn, akk-d ayen i geqimen di lherma n tilawen-nsen qeblen, ijenwiyen g ullawen nsen, ddin amaynut n iεraben; iεraben wwden anda yewin n lğens ur yewwi-d, zzuγren telelli n imaziγen.

Syenna d asawen, tutlayt n imaziγen akk-d ismawen-nsen uγallen d lehram.

G 705 anbaz Aεrab i-bereh belli tamurt n Izwawen d yiwet n tamnatt tamenzut n umnkad aεrab ara tilli; Tafriqt ugafa tεeda g yiwen n ukala ig bedlen idles-is, tamuγli-is, akk-d imal-is.

Amnekcam Aεrab yeqqim armi yetwabdal s lestiεmar n Iεetmaniyen seddaw n timelwi n Xayreddin d ayetma-s Ɛeruj, i d-xelqen atrar ussamer n Dzayer, bdan asseγwel n tama agi am asutel n iflisen n ddunit merra. Taflist-nsen ternu, temγid γef lqrun 1600; taflist mgal lbaburat n Iwunak Yedduklen g Ilel agrakal sebba n Ttrad n Taflist Tamezwarut, akk-d Ttrad n Taflist Tis Snat, anda mutten atas n imddanen imelsiyen.

Amnekcam arumi (Fransa)[beddel]

Deg 1830, s sebba belli Lbay n Dzayer yewwet amalway n tamahelt-is, Fransa tenbez Dzayer; lameεna, azbu i g qquren n Izwawen, Amγar Ameqran (El-Mokrani) akk-d Faḍma n Sumer, stεetlen taslekt agi almi Agud Azwaw yeţwaxdεen s ageldun n Iεraben yettuseman Ɛebedlqader imi d-yefka takbabt-is γef Wemtawa n Tefna wahid Fransa.


Amtawa n Tafna, 30 mayyu 1837, yeswejd abrid γef wanger n Tamurt n Izwawen ihi kan teqled agezdir n Fransa. Fransa, isegassen kkra mbeεd, tefka-d Aguldun Ɛebdelqader amidag n la Légion d'honneur akk-d tajεelt n 4000 Louis (idrimen n Fransa) mkul aggur armi yemut g 26 mayyu 1883.

Wagi d adris n Amtawa n Tafna: [1]

Melmi amgaru mgal tamurt n Izwawen ifuk, Fransa tezdem γef leğwahi nidden n Tafriqt ugafa terna texleq Ldzayer n tura; Tamut n Izwawen, Timura n uguldun εabd Qader, akk-d d Uneẓruf Ameqran (timura n Twareg/Imuhaɣ).


G 1954, Igen n Taslullit Taγelnawt (ALN) tebda ţţrad n taslullit; mbaεd n sebεa isegassen n imenγi, Fransa teğğa Dzayer g 19962. Aḥric ameqran n 1,025,000 Iḍaren Iberkanen akk-d 91,000 iḥerkiyyen, azal n 10% n imezdaγ n Ledzayer g 1962, rewlen γef Fransa g useggwas-nni.


  • Uqbel n Lmasih = Uqbel n Lweqt-nneγ
Leqbayel
Total
Total by country
Blue and yellow flag.svg Tamurt n Leqbayel 6,500,000
Flag of Algeria.svg Dzayer 2,500,000
Flag of France.svg Fransa 1,500,000
Flag of Germany.svg Lalman 40,000
Flag of Belgium.svg Biljik 50,000
Flag of Spain.svg Lispan 40,000
Flag of Canada.svg Kanada 40,000
Flag of the United Kingdom.svg Lingliz 30,000
Flag of the United States.svg Tamrik 10,000
tutlayt
Taqbaylit
ddin