Imuhaɣ

Seg Wikipedia

Imuhaɣ d agdud amaziɣ yettidiren deg Uneẓruf n Tafriqt. Akal-nsen d Aneẓruf (Idurar n Tasili, n Ayer di Niger, atg.).

Yernu imi ay zgan tddun af udar, ttreggizen (teddun) nitni d lmal-nsen (iɣersiwen n-sen d ileɣman) seg wemkan ɣer wayeḍ, wwḍen ɣer waṭas n tmiwa di Tefriqt. Imuhaɣ xulḍen aṭas n yegduden ifriqiyen ay ten-id-iqerben neɣ yellan ɣer tama n-sen, nitni fkan-asen daɣ-nni wwin-d aṭas seg-sen. Ass-a, nezmer ad naf Imuhaɣ di Niger d Mali, am wakken nezmer ad naf kra n trebbaɛ-nsen neɣ n waggayen di Čadd, Burkina Faso akk d Nigeria.

Deg wenḍul n Uneẓruf (Niger akk d Mali), aṭas n yegduden ifriqiyen ay yettidiren ɣer tama n Yimuhaɣ, nezmer ad d-nebder seg-sen Ibambaraten, Ifulanen akk d Yisarakuliyen. Kra seg yegduden-agi kessen lmal am Yimuhaɣ, di lweqt i deg wiyaḍ xeddmen tafellaḥt neɣ akal. Tuɣ (yella), wakal n wenẓul n Uneẓruf kkan (uɣent) deg-s isaffen, d aya ay t-yerran d agilal, amakken (meḥsub) yelha (igarrez) i tfellaḥt.