Tokyo Revengers
Tokyo Revengers (東京卍リベジャーズ, Tōkyō Ribenjāzu?) d manga n ṣṣenf n shōnen ay d-yura yerna yessufeɣ-it-id Ken Wakui (和久井健?). Yeffeɣ-d uqbel deg tesɣunt n Weekly Shōnen seg tesɣunt Kōdansha gar 2017 d 2022 yerna yesɛa s ujemmal 31 n yidlisen. Tazrigt n tefransist teffeɣ-d ɣer tezrigin Éditions Glénat seg 2019.
Tazrigt n tiliẓri n 24 n yiḥricen n tmeẓriwt n Liden Films ad d-teffeɣ seg 11 yebrir ar 19 ctember 2021. Tazwara (saison) tis snat ad d-teffeɣ seg 8 yennayer ar 2 yebrir 2023 deg Disney+. Tazwara tis 3 ad d-teffeɣ seg Tuber arma d Dujembeṛ 2023. Yeffeɣ-d yiwen n usaru s action deg Yulyu 2021, yerna ssefrayen ad d-yili uḍfar n sin n yiḥricen deg Yebrir d Yunyu 2023, yal yiwen deg-sen.
Awadem agejdan d Takemichi Hanagaki, d anelmad n uɣerbaz alemmas ilemẓi yettidiren deg Japun. Ilaq ad yessiweḍ ad ibeddel izri akken ad yeɛfes (éviter) tametant n Hinata Tachibana, taḥbibt-is. I waya, ad d-yawi tallalt (aide) seg Naoto Tachibana, gma-s ameẓyan n Hinata.
Agzul
[ẓreg | ẓreg aɣbalu]Deg 2017, Takemichi Hanagaki, d ilemẓi n 26 n yiseggasen, yeεya akk di tudert-is, yesla dakken taḥbibt-nnes taqburt n uɣerbaz alemmas, Hinata Tachibana, temmut deg yiwen n yimenɣi aydeg tella terbaɛt n « Tokyo Manji-kai » (東京卍會? ). Azekka-nni, asmi ay d-yuɣal seg uxeddim, Takemichi yettwadegger sɣur yiwen n wemdan seg rrif n umeṭṛu. Akken qrib ad t-yewwet, inneggiz ɣer deffir deg wakud, mraw d sin iseggasen aya. Yeḍra-d ad yuɣal ɣer useggas-is wis 4, aseggas-nni aydeg yella yettefeɣ akked Hinata. Takemichi yenwa ad yexdem akk ayen umi yezmer akken ur tettmettat ara Hinata.