Tasenselkimt
| sous-classe de | science formelle, sciences de l'information et des bibliothèques  |
|---|---|
| pratiqué par | IT Instructor, informaticien |
| objet de la discipline | technologie informatique |
| code Classification of Instructional Programs | 11.0701, 11.07 |
| tag Stack Exchange | https://stackoverflow.com/tags/computer-science |
| maintenu par le wikiprojet | Projet:Informatique |
Aselkim d tamacint taliktṛunant n usiḍen. Tezmer ad tselkem iseɣzanen. Iseɣzanen deg-sen tingalin i d-yeqqaṛen i usekkar amek ad yeqdec ɣef yisefka umḍinen. Seg ybenkan i d-yesbabbay usekkar iseɣzanen d yisefka i tkatut-ines.
Aẓar n wawal[ẓreg | ẓreg aɣbalu]
Awal Tasenselkimt d awal uddis yesɛan sin wawalen deg-s : sen i d-yekkan seg tusna (science), akked selkim (aselkim).
Amezruy[ẓreg | ẓreg aɣbalu]
D Charles Babbage, ajenyuṛ si Tmurt n Ungliz, i d-yesnulfan deg 1822 tikti n umutur n umgired, i usiḍen n yigetfulen n tusnakt. Syen akkin, deg 1834, isuffeɣ-d tikti n umutur usliḍ i yesεan akk tulmisin n uselkim. Ma d aselkim atrar, d Alan Turing, amusnak si Tmurt n Ungliz, i d-isersen imenzayen-ines deg 1936. D ayen iwumi qqaṛen Tamacint n Turing. Nezmer ad d-nini Turing d ababat n tsenselkimt.
Dɣa aselkim amezwaru, Manchester Mark 1, yeffeɣ-d di Tesdawit n Manchester deg ussegʷas n 1949. IBM 360 d aselkim amezwaru i yenzan s waṭas. Yeffeɣ-d deg 1954. Taẓayt-is tekka nnig 2000 kg, ma d taččaṛt-is tewweḍ ar 3 m3.
Syen akkin, seg ussegʷas ar wayeḍ, aselkim yettuɣal d ameẓyan, d afessas, d arurad. Aselkim i nessen ass-a, ur yewwiḍ ara kilu di taẓayt, yerna d arurad 2 imelyunen n tikkal ɣef uselkim amezwaru i d-yeffɣen deg 1954.
Ass-a, aselkim yekcem deg yal annar n tudert. Yewweḍ-d armi d tilifun i nettawi yid-nneɣ. Sya ɣer zdat, yezmer ad yaweḍ ɣer daxel n wallaɣ-nneɣ. A win yufan arraw-nneɣ ad ɣṛen tasenselkimt deg yissegʷasen imezwura n uɣeṛbaz.
Aɣbalu[ẓreg | ẓreg aɣbalu]
Amagrad n Amazigh Tazaghart deg http://tameddit.com