Taḥbult n yiṭij ɣur-s takna

Si Wikipedia, tasanayt tilellit.
Jump to navigation Jump to search
Eridanus constellation map.svg

Yiwet n terbaɛt n imussnayyuren [1] n tkebbanit n Nasa, deg-sen kra si tmurt n Legliz, wiyaḍ si tmurt n Lustṛali akk d Marikan dman d akken ufan-d ayen yettaken anzi i wenagraw aniṭij [2] deg yiwen wamkan ibeɛden fella-ɣ s tamudi n 90 iseggasen-tafat. Terbaɛt-a n imussnawen tufa-d yiwen umtiweg [3] i tezzin ɣef yiwen yitri m’iqqaren Epsilon Eridani.[1].

D amtiweg n lgaz, yettak anzi ɣer Yebter [4], maca yugar-it di taẓẓayt s sin imuren, u ɣur-s aḥbu [5] d imdeweṛ n 6 iseggasen.

Ufan-t-id imussnawen-agi s yiwen n utiliskup i ssarsen di tmurt n Lustṛali, m’akken i ttanin tafat d-yefka yitri mi qqaren HD70642, iɣef yeddewiṛ.

Ma yili yitri yesɛa imtiweg d amsaɛef, wagi s taẓẓeyt-ines ijebbed-d ɣur-s itri-ya. Annect-a d ayen yesseknayen neɣ yessnarnayen tazla di tikli n yitri deg igenwan, annect-a diɣen yedda srid d tewsit n tafat d-yettak yitri-ya.

Ar ass-a, ugar n 100 n imtiwgen igan aḥbu ɣef yitran, d acu, ttɣabent m’ara qqerbent ɣur-s, itett-iten. Maca, itri-ya yecqan imussnawen-agi-nneɣ ur d menwala, acku yettak anzi i yiṭij-nneɣ (ad d-nesmekti d akken iṭij s timad-is d itri ameqqran). Itri Epsilon Eridani meẓẓi cwiṭ u semmeḍ diɣen cwiṭ ɣef yiṭij, maca iɣelbi-t ddeqs deg usemmud, ɣur-s 850 imelyan d aseggas (iṭij ɣur-s 4,6 imelyaṛen iseggasen). Itri-ya yesɛa agraw n imtewgen i s-d-yezzin : yiwen umtiweg d ameqqran akk d yiwet n tbagust n istiṛuwiden. Dana Backman d imddukal-is imussnayyuren gren tamawt i wegraw-a n imtewgen, ufan-t d akken iga am unagraw-nneɣ aniṭij asmi yella annect-n di lɛemṛ-is, d tallit m’akken d-bdant talɣiwin timenza n tudert deg akal ɣef i nteddu. Tazrewt [6] n unagraw-a, d ayen ara yallen imussnayyuren ad ẓren u ad gzun amek d-yenerna unagraw-nneɣ aniṭij.



Tamselyut[ẓreg | ẓreg aɣbalu]

  1. http://www.nasa.gov/mission_pages/spitzer/news/spitzer-20081027.html