Spy × Family
Spy × Family (スパイファミリー, Supai Famirī? ) d lmanga tayabanit i yura mass Tatsuya Endo , tettmesslay-d teqsiḍt ɣef yiwen n umaɣlay ilaq-as ad yebnu axxam akken ad yesselḥeq ad yexdem tuɣḍaṭ-ines , taqcict-nni i yesmemma d tin i yeqqaren tiktiwin n yimdanen , ma d tameṭṭut i yqbelen ad taɣ d yiwet n tqettalt yettwassnen mliḥ , texdem lmanga-agi rrbeḥ d ameqqran ama deg tmira n Yaban ama deg tmura n berra
Di yebrir 2022 , yettwaskfeḍ-d s talɣa n Anime , i ɣef teqdec Wit Studio ɣer tama n CloverWorks , iɛedda-d deg targa n Tokyo TV deg Yaban , daɣen yesɛedda-t-id wahil ameqqran id-yesɛeddayen unnuɣen yettembiwilen Crunchyroll .
Di Mayyu 2022 , nzan seg-s ugar n 21 n yimelyan n tneɣlin deg ugadez
Tazzwert[ẓreg | ẓreg aɣbalu]
I wakken ad ssersen talwit gar snat n tmura yezgan d amennuɣ Wistalis d Ustanya , yiwen n umaɣlay awistali i wumi ssawalen "Twilight " yettunefka-as lamer akken ad ineɣ Dunuban Dizmund (Donovan Desmond ), aqerru n ukabar n tdukkli taɣelnawt n Ustanya , imi argaz-agi yettḥadar aṭas ɣef yiman-is , ur yezmir ara ad t-id yemlil anagar ma yella yessekcem yeeli-s neɣ mmi-s ɣer uɣerbaz azarug ideg qqaren warraw-is , ad yerr iman-is d yiwen seg yimawlan .
Akken ad yexleq tuggna n twacult yummren , yessnulfa-d i yiman-is isem amaynut Luyd Furǧer ( Loid FOrger ) ; yesmemma-d yiwet n teqcict tagujilt isem-is Anya , yezweǧ d tmeṭṭut isem-is yur Brayar (Yor Briar ) , netta ur yezri ara belli Anya d taqcoct i yeqqren tiktiwin yellan deg wallaɣen n yimdanen , ma d Yur d taqettalt tameqqrant , mi ara lḥunt tedyanin ad trebbi twacult aqjun daɣen ula d netta yesɛa kra n lqedrat timeqqranin isem-nsent Bund ( Bond ) , akka ihi yufa-d umaɣlay Luyd iman-is la ylemmed amek ara yuɣal d ababat yelhan .
Deg wayyur n Yunyu tɛeddad-d tgeṭṭumt tneggarut d tios 12 .