Nizar Qebbani

Si Wikipedia, tasanayt tilellit.
Jump to navigation Jump to search
Nizar Qebbani
Nizar qabbani 01.jpg
Tameddurt
Talalit Dimecq, 21 Meɣres 1923
Taɣlent Surya
Tagrawn n uzdar aɛrab
Timekkest London, 30 Yebrir 1998
Tamentilt n tmekkest natural causes Suqel (myocardial infarction Suqel)
Tiɣri
Alma mater Damascus University Suqel
Tutlayin Tafransist
Amahil
Amahil amedyaz, diplomat Suqel akked amaru
Taflest
Asɣan Islam
nizarq.com/

Nizar Qebbani (s taɛrabt نـزار قـبـّانـي ) d amedyaz asuri, laṣel-is d aṭerki.. Ilul assn n 21 deg meɣres 1923 di Ssaɣur i d-yezgan di Dimacq, yemmut ass n 30 yebri 1998, di London, tamanaɣt tabriṭanit. D yiwen seg imedyazen iziten imeqqranen n tutlayt taɛrabt. Deg tudert-is yeɣra deg izerfan, maca yexdem d anmahal di tmura yemgaraden armi yeṭṭaxer deg useggas 1966. Yettwassen s tutlayt-is tasehlant i ifehhem yal yiwen ulamma s taɛrabt taseklant i yettaru ; maca ɣas akken, ccbaḥa n wawal-is d tugniwin yesseqdac d ayen ifazen akk ar assa, ladɣa m’ara ten-tiɣer yiwen s taɛrabt neɣ ad sen-tisel yettini-tent-id. Yebda yettaru seg wasmi yesɛa 16 isaggasen di leɛmer-is, syin mi yesɛa 21, deg useggas 1944, yessufeɣ-d ammud-is amezwaru iwumi isemma : Tenna-yi-d txemrit. Syin yerna-d aṭas n wammuden-iḍen d yedlisen n tesrit. Yuɣ lḥal aṭas icennayen i yeddmen isefra-s cnan-ten ama zik, am Ɛebd Lḥalim Ḥafeḍ deg taɣect “qari’at alf-finǧan” ; am d wid n tura am Majda Rrumi deg taɣect Kalimat( awalen).

Isental n Nizar Qebbani tezzin ugar ɣef tayri ideg yessen ad ifeṣṣel, maca iwet daɣen ɣef izerfan n tmeṭṭut segmi temmut uletma-s i yenɣan iman-is ; am akken yura ɣef tsertit d kra isental imestanen, dɣa yella yiwen usefru mucaɛen iwumi qqaren : Aɣrum d usebsi d wayyur i s-d-yessusen iɣeblan. « Asefru-ya di tilawt aṭas i t-yerran ɣer tutlayin-nsen seg wakken ameskar iwet-d deg-s s leqseḥ deg yir tikli i d-wwin Waɛraben d yimslelmen s umata i yeṭṭfen ala deg wansayen iqburen akken bɣun ilin, rnan zzin s uɛrur i tɣerma mi d-lhan ala d ddin. Asmi t-yura ssawḍen armi t-sbedden ɣer teɣdemt, yuɣ lḥal amedyaz-a yella icaɛ belli d arnaflas i yella ; ma deg uparlman n tmurt-is kkren-d ula d wid i d-yessutren ad s-kksen tiɣelnit tasurit (nationalité), maca ur teffiɣ ara akken. » Yenna :

« Anwa facal, neɣ anefsuy
I ɣ-izeddɣen yal ma teflali-d tafat
Imi tiẓerbiyin... d luluf n tqecwalin...
Lkisan n latay, d igerdan, zerɛen di tɣaltin
Di tmurt-iw
Anda ttrun wat nneyya
Ttẓallan
Zennun
Ttɛicen s lettkal
Segmi ttɛicen s lettkal
Rennun ssawalen i wayyur :
Ay ayyur,
A taɛwint n lwizz
D usebsi d yiḍes
Ay illu n rrxam iɛellqen
A taɣawsa ur nettwaman
Ili-yaɣ d agazu n lwizz deg Usammar
I imlyan n wid ur nettḥulfu s kra [1]. »

Ayen yura[ẓreg | ẓreg aɣbalu]

Ammuden

  • Tenna-yi-d txemrit, 1944
  • Temẓi n yif, 1948
  • Samba, 1949
  • Kemm inu,1950
  • Isefra, 1956
  • Taḥbibt-iw, 1961
  • Unuɣ s wawalen, 1999
  • Ussan n tmeṭṭut ur d-necliɛ di kra, 1968
  • Isefra iweḥciyen, 1970
  • Adlis n tayri, 1970
  • Meyya tbratin n tayri, 1970
  • Isefra yeffɣen i usaḍuf, 1972
  • Ḥemmleɣ-kem, ḥemmleɣ-kem, ayen nniḍen ad d-yas, 1978
  • I Beyrut tawtemt akked tayri-w, 1978
  • Yal aseggas tezgiḍ d taḥbibt-iw, 1978
  • Ad d-cehhdɣ belli ula d tameṭṭut, 1979
  • Ussan uffiren n Baheyya tamaṣrit,1979
  • Akka i ttaruɣ amezruy n tlawin, 1981
  • Sin imawalen i imeɛcaq, 1981
  • Asefru n Belqis, 1982
  • Asefru ur iḥebbes ara ɣer tafat tazeggaɣt, 1985
  • Tamedyezt yemxellen,1985
  • Isefra iɣef feqɛen,198
  • Ad d-tegri tayri a mass, 1987
  • Tamkuẓt n warrac n yedɣaɣen, 1988
  • Tiwriqin tuffirin n umeɛcuq aqermiṭi, 1988
  • Temeddurt n yiwen useyyaf aɛrab, 1988
  • Zwǧeɣ yid-m a tilelli, 19888
  • Zzalamiḍ deg ufus-is, iwunak-nwen d lkaɣḍ, 1989
  • Ala tayri i iɣelben, 1991
  • Wiss ma tesliḍ-d i usṭeḥṭeḥ n lehmum-iw, 1991
  • Lṭruf deg leṭruf, 1991
  • Nekk d yiwen wrgaz, kemm d lɛerc n tlawin, 1994
  • Xemsin snen d acekkeṛ deg tlawin, 1994
  • Tid n Nizar ɣef ssḍa n tayri, 1995
  • Agemmay n lyasmin, 1998



Taɣbalut Ablug n Samir Tighzert/Timuɣliwin

  1. Nizar Qebbani (trad. Samir Tighzert), Aɣrum d usebsi d wayyur, Timuɣliwin