Amhtma Γandi

Si Wikipedia, tasanayt tilellit.
(Yettusmimeḍ seg Mohandas Gandhi)
Neggez ar: ẓer isebtar, anadi
Γandi di 1930

Amhatma Γandi neɣ Muhandes Karamced Γandi, d imwelleh aruḥan di Lhend, yella daɣ d argaz aserti meqqren di lawan mi d-yekker umussu n teslullit deg tmurt-is ; ilul ass wis 2 deg tuber 1869 di Gujarat (Lhend), yettwanɣa ass n 20 yennayer 1948 di New Delhi.

Tameddurt[ẓreg | ẓreg aɣbalu]

Gandhi yeqdec d abugaṭu deg Tefriqt n Wenẓul, yerna din ay yessnen lbaṭel aberkan n tmeḥyaft gar yemdanen yemgerraden deg tneṣlit. Asmi ay d-yeqqel ɣer Lhend deg 1914, yebda yekkat i lmend n uzarug n tmurt-nnes ay yellan ddaw udabu abriṭani.

Imenɣi-nes amelwi ɣef teslullit n Lhend[ẓreg | ẓreg aɣbalu]

Γandi yettwassen s ubrid i d-yewwi deg uqazem n weqmaḍ akked temsbaṭlit ala s weεṣay aɣarim n wegdud ; aselḥu n tiẓri-a-ines deg umennuɣ yebna ɣef trekrriṭ (tarkriṭ = nonviolence), dɣa annect-a yettwaḥsab gar wayen yessawḍen tamurt n Lhend ad tḥelli timunent-is. Mzḥsub yella itteg ifadden i medden akken ad nnaɣen mgal tuṭṭfa tabriṭanit war ma sqedcen iɣil, d acu kan, leqdic-nnes deg tsertit yessaweḍ-it ad yettwaḥbes acḥal d tikkelt. Gandhi iwet daɣen akken ad iḥudd irunnilen (intouchables), wid yettwaḥeqren deg wesɣan (ddin) ahendusi. Asmi ay qrib ad tawey Lhend azarug-nnes, bdan-d yimenɣiyen imeqranen gar Yinselmen ed Yihendusiyen n Lhend, d wid aydeg mmuten aṭas n medden.

Deffir tmunent n Lhend d tmettant-is[ẓreg | ẓreg aɣbalu]

D aya ay yejjan Gandhi ad yeg taḥemla akken ad yeḥbes yimenɣi-a, yerna iga asunded (grève) n llaẓ i lmend n waya, dɣa d aya ay yessawḍen ixṣimen-nni ad ḥebsen imenɣi. D acu kan, Gandhi yenɣa-t yiwen n umeḍḍarfu ahendusi aɣlenaẓri deg wass n 30 Yennayer 1948,acku iwala-t d netta d ssebba n beṭṭu n tmurt ɣef snat (mi d-tlul Pakistan) d tuɣalin-is ɣer deffir deg tnezmar.

S tesnagt-is Γandhi yeqqel d azamul n talwit ama deg Lhend, ama deg tmura n beṛṛa.