Mississippi

Si Wikipedia, tasanayt tilellit.
Jump to navigation Jump to search
asif n misisiⵒⵒi
asif n misisiⵒⵒi

asif n misisiⵒⵒi d asif amqqran akk di tamrikt ugafa. ibddu-d sg uglmim n itasca (dg minnsota, dg yiwunak yddukkln), yrna aman-nns ttnɣaln s anẓul arma d abagu n miksik. isafn n missouri d ohio ssnɣaln-d daɣn aman-nsn s asif-a. mississippi ɣr-s 3.780 n yikilumitrn dg tɣzf, yrna tajumma-nns tuwḍ ɣr 3,1 km2 . d anaram hrnando d soto ay d uṛufi amzwaru ay yuwḍn s asif-a dg 1541. dg 1673, ifṛnsisn louis jollit d jacqus marqutt ssakln dg wasif-a yrna uwḍn armi d asif n arkansas. anaram afṛnsis la sall yuwḍ s adlta n wasif-a dg 1682 yrna d ntta ay d afṛnsis amzwaru ay d-ysɣrtn tama n mississiⵒⵒi d louisiana d ayla n fṛansa. d aya ay yjjan fṛansa ad tḥkm tama n ugafa n wasif-nni. ma d tama n wnẓul-nns tqql ddaw udabu n spnyul sg 1769 d asawn. dg 1783, iwunak yddukkln rran asif n mississiⵒⵒi d talast-nsn tutrimt , sakkin, dg 1803, fṛansa tssnz akal-nns n mississippi d louisiana i yiwunak yddukkln. dg 1863, dg tal lit n wmgaru aɣarim dg yiwunak yddukkln, iɣalln imarikaniyn n tdukli ḍḍfn tamdint n vicksburg ay d-yzgan ɣf wasif n mississippi yrna d aya ay tn-yjjan ad sbɛdn iɣalln ikunfidiṛaliyn ɣf wasif-a. ass-a, asif n mississippi yqql d abrid amqran n yiɣrruba dg yiwunak yddukkln.