Masilya
Masilya d tagelda i yttewaxdmen seg yiderman yemlalen akka am Muzulami d Jaytuli, deg tasut tis ukkuz send talalit, yegled-iten ugellid. Tella tezga-d tgelda-agi gar snat n tmura i yḍemɛen deg wakal-ines, seg umalu de tagelda n Masisilya i yesɛan idrimen d yigran d yiserdasen tefreq-itent temnaḍt n Zaray, ma seg utaram d Qerṭaj, yiwen n umenkud ameqqran i asen-yekksen akk sswaḥel n tgelda-nsen tefreq-itent temnaḍt n Krumiri, tagelda n Masilya tella tikwal deg umennuɣ d yiqerṭajiyen tikwal tella tettdukul yid-sen tettuɣal s ddaw n lemɛawna d uḥuddu n tgelda n yiqerṭajiyen. Timdinin timeqqranin-nsen d Sirta, Tbessa, Dugga d Madur. Agellid-nsen amezzwaru d Ayelmas, ma d aneggaru d agellid Mass-nsen.
Anamek n yisem
[ẓreg | ẓreg aɣbalu]Isem-agi n Masilya / Lmasil yekka-d seg yismawen : Il : anamek-is ilel d Mas, ihi awal-a anamek-is d " mass n yilel ", ma d-imasisiliyen, isem-nsen ula d netta anamek-is d " mass n yilel " maca rnan-as mmi-s akken ad yeqqel : " mmi-s n mass n yilel ", qqaren yimussnawen n umezruy belli imasisiliyen d yimasiliyen llan d yiwen, maca imasisisliyen mi xedmen nnfaq mgal yimasiliyen, rewlen s amalu ggan tagelda dinna, fkan i yiman-nsen isem n : warraw n mass n yilel imiren i asen-yettunefka yisem n " mmi-s n mass n yilel (yil ) " syin id-yekka masisil.
Anbaḍ
[ẓreg | ẓreg aɣbalu]Fkan yimasiliyen anbaḍ i urgaz ameqqran deg twacult n yigelliden, ilaq d win i ymeqqren ara yilin d agellid, annecta ibeddel mi lakumzis yenneqlab, yekkes-as tagelda i ugeldun Mass-nsen.
Amennuɣ abuniqi wis sin
[ẓreg | ẓreg aɣbalu]Deg 218 ST yekker yimenɣi gar yirumaniyen d yiqerṭajiyen, imiren imasiliyen d yimasisiliyen i sin llan sɛan imnayen i yǧehden yernu ssnen akken iwata amek ara nnaɣen snat n tgeldatin lln dduklent d yiqerṭaǧiyen, maca deg useggas n 206 St, agellid masensen ibeddel tanilla imi iqerṭajiyen ddan d ugeldeun aɣewwaɣ Lakumazis ur neqquder ara taɣdemt, yernu yuzzel s deffir n unbaḍ, mi dayen irumaniyen rnan iqerṭajiyen deg useggas n 202 ST, steɛrefen yirumaniyen s tegelda n Numidya i yedduklen ideg tennejmaɛ masilya d Masisilya s ddaw n tɛessaft n ugellid Masensen I, akken ad tili d tagelda tamaziɣt tamezzwarut i s wayes i testeɛref Ruma, yenbeḍ-itt ugellid Masensen armi d lmut-is deg useggas n 148 ST.