Laguiole (takemmart)

Si Wikipedia, tasanayt tilellit.
Jump to navigation Jump to search
Tikkest n Laguiole.

Laguiole (nṭeq-it layul), d tasiwelt n uẓar n takemmart (neɣ aguglu) taṛumit n uẓi n Aubrac s uyefki afraray n tfunast. Isem-is yekkad seg taddart n Laguiole deg ugezdu n Aveyron di Fransa.

Iẓuṛan n takemmart agi tettalin-d ar Timiḍi wisXV, asmi imunaken n ugni n Aubrac, deg amnaḍ n ansay n takemmart adigan aqdim, sneflan asiweḍ (n iseksaten) n izegrawen uyefki dɣa bedden aɣraf ines. Tafarest-is tesɛa deg Timiḍi wisXIX asfari d-ameqran aṭas, daɣen ula d-tisellat ines tesɛa. Tisellat nni ttwassebded ɣef ajmaɛ n tanzagt uɣzifen dɣa ɣef yiwet taɣara n ifarisen yecudden aṭas s wakal adigan : anezwu aweɛran, tiferdi tuzzigt n idurar, tifunasin n iri azegraw.

Takemmart laguiole qrib tenger deg talemmast n Timiḍi wisXX, ɣef ljal n atigen n uɣraf aɣlayen dɣa ilɣiten ad afen ixeddamen i uɣraf n takemmart deg ixxamen imensayen "buron". Yuɣaled, seg iseggwasen 1960, s tallalt n infarasen idiganen, yebɣan ad snernin tukkest n timiḍiwin yezwiren. Tafarest tesniled seg iseggwasen 1980 ɣer taɣara d tikemmarin n ujmaɛ dɣa gweḍen-d seg taggara n iseggwasen 1990 ar tasmekta talemmast yetṛuḥun gar 700 d 750 iṭunen n laguiole yenzan yal aseggwas.

Tasiwelt agi yettwaḥerzen sɣur ticraḍ AOC seg useggwas 1961 d AOP seg 2008. Tafarest n uyefki, tafarest d umesel n tikemmarin ilaq ad yetwexdem deg taɣzut tamaḍlarant n aẓi agmawi n Aubrac i bɛuẓẓelen ɣef 73 timdinin n igezda n Aveyron, n Cantal dɣa n Lozère.