Jack aqettal
Jack aqettal (s tenglizit : Jack the Ripper) d isem i yettunnefkan i yiwen uqettal s uɛiwed ur neẓri ara d anwa-t, i yenɣan aṭas n yimdanen deg temnaḍt n Whitechapel deg Lundun tamanaɣt n Legliz deg useggas n 1888. Isem-agi mazal-it ɣer ass-a ulac win yessnen bab-is d ayen id-yefkan tikti i tidmi n waṭas n yimyura i wakken ad t-sxedmen deg waṭas n tmucuha-nsen seg yimiuren armi d ass-a.
Isem d uɣara n uqettal, nnekwa-ines, mazal ar assa ulac win iteny-yeẓran, iban-d yisem-agi n Jack i ubrid amezzwaru deg tebrat n « Dear Boss », i yettwaceyyɛen i ubrid amezzwaru i uɣmis. Yuɣal yettwasexdem s waṭas deg yiɣmisen n yimiren imi bab-is yenɣa arṭas n yimdanen yernu yella yettaru ɣef tfekka n yal yiwen isem n Jack the ripper (Jack aqettal). Imsulta d yiɣmisen uwḍent-ten-id aṭas tebratin i yesɛan assaɣ d temsalt-agi. Inadiyen, ufan-d belli d atgi d tamsalt i yzegren timura yernu teḥwaj ambadel deg yisallen i wakud ɣezzifen.
Deg ctumber d tuber 1888, yeffeɣ wawal belli aṭas n temsalin n lmut yellan deg Whitechapel tesɛa assaɣ d tiyaḍ, semmus seǧsent banent belli n Jack aqettal d tid n lmut n: Mary Ann Nichols, Annie Chapman, Elizabeth Stride, Catherine Eddowes et Mary Jane Kelly. Imi liḥalat n lmut agi sɛant aṭas n taktiwin kif-kif-itent d waṭas n wagazen yettemcabin. Di tazzwara llant akk d lfergat yernu yella ineqq-itent deg tama n wadda n Lundun . Sɛant akk tamgerḍt igezmen uqbel ad asent-isexṣer iɛebbuḍen-nsent s ujenwi. Asuffeɣ n yiḥricen si daxel n tfekka i wugar n kraḍ seg wid yenɣa yessebgen-d belli Jack aqettal yella yessen kra n taktiwin deg tussna n ucelleḥ, ayen id-yemmalen belli tikti tṣeḥḥa mi yufa yiwen seg yixeddamen deg Whitechapel Vigilance Committee, tabrat deg tuber n 1888, isem-is seg Ǧahennama « From Hell » ɣer tama-s tella tegẓelt iban-d umbeɛd belli tella i yiowen seg wid i yenɣa.
Ɣef way-a imi wid akk yettwanɣan mmuten kif kif yernu mebla rreḥma cukken meddden d yiwen i ten-yenɣan isem-is Jack aqettal, imi ur d-ufin ara tiririt uɣalen medden ttaran ɣer umezruy d ufulklur i wakken ad afen sexdamen yimussnawen awal ripperology i wakken ad lemden liḥalat n tmenɣiwt i yexdem Jack aqettal deg wid yenɣa.