Imezzayen
Imezzayen, imawlan n wakal n yiwen n lɛerc i yed-izzin i temdint n Bgayet am uzebgi: Seg Amsiwen deg tama n ugafa, alammi d Asif Aɛebbas ɣer wanẓul.
Amezruy n Imezzayen
[ẓreg | ẓreg aɣbalu]Ayagi dayen illan alammi d tagara n tmidi wis 19 neɣ d tazwara n tmidi wis 20.
Tamdint n Bgayet iɣef i yed-netmeslay dayi, dayen i yed-igran deg teɣremt i yessuli Naser n Walinas deg aseggas n 1067-1068, iwimi i yeqqar Nnasiriyya.
Iderman n Imezzayen
[ẓreg | ẓreg aɣbalu]Imezzayen bṭan ɣef qrad (tlata) n leṣnaf:
1. Imadalen 2. At Temsiyedt 3. At Ɛmer Waɛli
Tibbura n Bgayet
[ẓreg | ẓreg aɣbalu]D yiwen n Rbaṭ neɣ n Tiɣremt wuɣur llant 6 Tewwura. Deg nneqma n yireqqasen n ssaɛa:
- Tawwurt i ttaken ɣer Yilel (taɛrabt : Bab Lbaḥr)
- Tawwurt n Ssadat, ɣef yidis n Sidi Ɛebdelqader
- Tawwurt n Wamsiwen (Asammar n ugafa)
- Tawwurt n Guraya, zdat n tqebbet n Sidi Mḥemmed Ameqran(taɛrabt : Bab Lmergum)
- Tawwurt n Fuqa (taɛrabt : Bab Lbunud)
- Tawwurt n Ddar Ṣṣenɛa[17], ddaw n Teqṣebt (Casbah), tin yessuli Spenyul
Ɣef akken i yed-tɛawadden imeqranen neɣ akken i yed-necfa, ceffu n temẓi, nekni daɣen, ɣas akken mezziyi-yaɣ, „Tilist“ akken i yas-inna wyaẓiṭ[18] „d amnaṛ“: Iffeɣ umezdaɣ n temdint tewwura ayi, iwwi-d ad iruḥ qbala kan ɣer cceɣl-is. Ur ed-iwwi ad ir nnig n webrid, ur ed-iwwi ad irr ddaw n webrid! Acku akal ɣures imawlan-is, imawlan yettaran lbal fell-as. Caṭenṭ tlufa, maci d yiwet a t-ed-iḥku yiwn d ayi, i yed-ttawin imeqranen ɣef ayagi, ulamma d Lamir Ɛebelqader idda-d deg yiwet dey-sent. Teṭra deg Laɛzid Umɛemmer – ɣef yidis[19] n wemtiq iwimi qqaren Iḥeddaden ass-a.