Death Note

Death Note
Laṣel
Ameskar	Tsugumi Ōba (fr)
Azemz n ufsar	2006
Azwel aẓaran	デスノート
Tamurt taẓarant	Japun
Maison d'édition (fr)	Shūeisha (fr) , VIZ Media (fr) , Elex Media Komputindo (fr) , Comix-ART (fr) , Culturecom Holdings Limited (fr) , Tong Li Publishing (fr) , Daewon C.I. (fr) , Glénat Éditions (fr) , Grupo Editorial Vid (fr) , Madman Entertainment (fr) , Editora JBC (fr) , Kana (fr) , LARP Editores (fr) , Panini (fr) , Chuang Yi (fr) , Nation Edutainment (fr) , Japonica Polonica Fantastica (fr) , Compupress (fr) , Mangafan (fr) , Egmont (fr) , Comix-ART (fr) d M&C Comics (fr)
Characteristics
Tawsit	mystère (fr) , fiction surnaturelle (fr) d thriller anime and manga (en)
Tutlayt	Tajapunit
Parts	12 volume (fr)
Tasugna
Ẓer Light Yagami (fr) , L (fr) , Ryuk (fr) , Misa Amane (fr) , Near (fr) , Mello (fr) , Rem (fr) , Teru Mikami (fr) , Shinigami (fr) d Kiyomi Takada (fr)
Amezruy
Awards received Prize for the best shonen at the Manga Barcelona (en)
j-deathnote.com

Death note (デスノート, Desu Nōto?, Tazmamt n Lmut) d tasfift n manga tajapunit ay d-yura Tsugumi Ōba yerna d Takeshi Obata ay tt-id-yesnulfan. Ttwassuffɣen-d uqbel deg tesɣunt n Weekly Shōnen Jump seg Dujembeṛ 2003 arma d Mayyu 2006, sakkin ffɣen-d deg mraw d sin n yitankōbon, seg Mayyu 2004 arma d Tubeṛ 2006, sɣur Shūeisha. Tazrigt n tefransist teffeɣ-d sɣur Kana seg Yennayer 2007 armi d Tuber 2008.

Tazrawt n anime n 37 n tfelwiyin d tin ay d-yessuffeɣ Tetsurō Araki daxel n ustudiyu n Madhouse yerna tella-d seg 3 Tubeṛ 2006 arma d 26 Yunyu 2007 deg tiliẓri n Nippon deg Japun. Deg Fransa, anime-a yettwasqedcem seg 2 Fuṛaṛ 2008 deg MCM, seg Dujembeṛ 2008 deg Virgin 17 yerna seg Yennayer 2022 deg Game One. Death Note yettwasbedd daɣen deg kraḍ n yisura s wudem unṣib, yeffeɣ-d deg Japun gar 2006 d 2008, sakkin srid deg DVD deg Fṛansa sɣur Kazé. Yiwen n udlis n tmezgunt yettwassuffeɣ-d daɣen deg 2015 deg Nippon TV deg Japun, yerna deg Crunchyroll deg tmura ay d-yettmeslayen tafṛensist. Yettwasekles deg yiwen n usaru s yiwen n yisem i d-yeffɣen deg Netflix deg 2017.

Deg Yebrir n 2015, azal n Death Note ibedd ɣef ugar n 30 n yimelyunen n yiḍrisen deg usnulfu, gar-asen tifelwiyin timaynutin, dɣa d aya ay d-yesbedden axeddim-a gar yiḍrisen n manga ay d-yettwasnuzun aṭas akk deg tallit-nni.

Agzul

Light Yagami d anelmad n tesnawit yesɛan tiḥḥerci yufraren uyerna yettwali amaḍal n wass-a d win ay d-yellan d aruzdig, d amenɣi yerna d ameggafsu(corrompu). Tudert-is tbeddel akk ass-nni aydeg ay d-yerfed s tkerkas yiwen n udlis n lbaḍna s uzwel n « Death Note ». Lewṣayat-is qqarent-d belli “amdan i wumi yura yisem-is deg udlis-agi ad yemmet.” Deg tazwara, Light yella yettcukku, d acu kan, yeqsed ad yeɛreḍ adlis-nni yerna yufa-d dakken tazmert-nnes d tidett aṭas. Yemlal d bab aqbur n Death Note, d yiwen n yillu n lmut isem-is Ryûk. Yettbeccir-d belli yessers-d s lebɣi-s adlis-is akken ad yesɛeddi lɛid.

Light yeɣtes ad yesseqedec Death Note akken ad yessenger imeggufsa, s yiswi n lebni n umaḍal ikemlen aydeg ara yili d netta i d illu (rebbi). Yelmed cwiṭ cwiṭ ad yesseqdec tizemmar n udlis d yilugan-is : amseqdac yezmer kan ad yenɣ amdan ma yella yessen udem-is, s tira n yisem-is amezwaru d yisem-is aneggaru. Yezmer daɣen ad d-yeprisizi tamentilt (cause) d tegniwin s tɣawla, tamentilt par défaut d tazɣent n wul (crise cardiaque).

Tamettant n yimenɣayen ur nesɛi asegzi ( deg umaḍal s waṭas tjebd-d lwelha n Interpol akked L n lbaḍna, d amesniles (détective) ay yesɛan tazmert (talent) ladɣa, maca ula d yiwen ur yessin tamagit-nnes. L yeqsed ad d-yesesten ɣef serial killer-agi, i wuli qqaren "Kira" (キラ?, ay d-yekkan seg usnulfu n tjapunit n "killer") sɣur medden s umata.

Iwudam

Light Yagami (夜神月, Yagami Raito?)

Awadem agejdan n tmacahut, Light d anelmad n tesnawit yesɛan tiḥḥerci yufraren yerna yettwali belli amaḍal n wass-a d win yumsen. Mi ara yaf Death Note ay d-yeǧǧa yiwen n yillu n tmettant (Ryuk), yeqsed ad tt-yesseqdec i lmend n ussehres n wakk imdanen n tmenɣiwt, s yisem n Kira (awal ajapuni ay d-yekkan seg killer, "killer" s teglizit). Iswi-ines d asnulfu n umaḍal utopik ur nesɛi ara ccwal, anda ara yezmer ad yenbaḍ (yeḥkem) am yillu. Tazmzert n wallaɣ-is d tmeddurt-is texsarent akken tettkemmil teqsiḍt.

L (エル, Iru?)

Acengu agejdan n Light, L, yettwaḥseb d amesniles (detective) ay igerrzen akk deg umaḍal, ɣas akken ur yettwassen ara tmagit-nnes. Yettnadi ɣef temsalt n Kira. Yessawal i yiman-is Ryûzaki d Hideki Ryuga. Isem-nnes n tidet ur yettwassen ara deg 12 n yidlisen imezwura n manga-a, maca isem-nnes n tidet, L Lawliet (エル・ローライト, Eru Rōraito?), yettwabder-d deg yidlisen wis 13, Amek ara t-teɣreḍ.

Misa Amane (弥海砂, Amane Misa?)

Misa d taqcict tameẓyant iḥemmlen Kira d tigawin-is. D tamodelt (modèle) ay ḥemmlen aṭas medden, d Idol (アイドル, aidoru?), s style n isersan ay d-yeddsen (combine) "Gothic lolita" akked punk. Teɣli deg tayri n Light yerna ad as-texdem ayen akk yebɣa. Tesɛa daɣen Death Note yerna irebbi-ines n lmut isem-is Rem. Nettat tettwaḥseb d Kira tis snat. Texdem abeddel n wallen akken ad tili d nnfeɛ i Kira, anamek-is tezmer ad twali isem n yal yiwen d wacḥal ara yidir.

Ryuk (リューク, Ryuku?)

Ryuk d illu n tmettant i d-yesfaydin s lqerb deg umaḍal n yilluyen n tmetant. Yesɛa sin n Death Note, yeǧǧa yiwet deg umaḍal n umdan akken ad yesselhu iman-is. Yetteḍfar Light deg yal adeg (imi d netta ay d bab amaynut n Death Note yerna yessefk ad t-id-yeḍfer Ryuk alamma yemmut Light) maca yeqqim d arawsan (neutre) deg ayen iḍeṛṛun deg tedyant.

Soichiro Yagami (夜神 総一郎, Yagami Sōichirō?)

Aɣella n temsulta d baba n Light, Sôichirô yesɛa taflest(confiance) tameqrant deg mmi-s d tayri ur nesɛi tilisa i yelli-s d tmeṭṭut-is. Yesɛa leqder ameqran di teɣdemt (justice) yerna ur yettkukru ara ad yemsisi (s'allier) akked L akken ad nnaɣen mgal Kira, i yettwali d aneḍlib (assassin) amihaw.

Ula amkken yella deg sbiṭar acku yexdem aḥbas n wul, ur yeziti (hésiter) ara ad d-yawi akamyun akken ad yeḥbes aẓawan (diffusion) n tkasiḍin ay d-tessuffeɣ 2nd Kira (Misa).