Amestan
Amestan d argaz neɣ d tameṭṭut yesεan tamusni deg usaḍuf, yettakken iwellehen d tallelt i yemdanen deg temsal n ccreε. Amestan yezmer ad yeqqim deg uxxam n lḥebs akked umḥbus, ad t-yeḥḍer deg tzeqqa n ccreε, ad yemmeslay ɣef yisem-is sdat n lqaḍi. Amestan d aẓeṭṭa gar umdan d unagraw n teɣdemt. Yesεa azref ad yeḥḍer timlilit gar umḥbus d twacult-is, daɣen yezmer ad yeṭṭef ifecka n tnezzut. Amestan ilaq ad yeḥrez tiderfi n umsulles-is, ur yessefk ara ad d-yini ayen i as-yenna umsulles-is ma yella ur t-yessumer ara.
Amezruy
[ẓreg | ẓreg aɣbalu]
Axeddim n umestan yeṭṭuqqet seg tallit ar tayeḍ d seg tmurt ar tayeḍ. Deg tallit taqburt, imeslayen ɣef yimdanen nniḍen llan d imseddayen neɣ d imḍebren. Amedya, deg Atina taqburt, imdanen zemren ad mmeslayen ɣef yiman-nsen neɣ ad sutren tallelt seg yimdukal-nsen.
Deg tallit n Ṛuman, tella-d tɣessa tamezwarut n yimestanen s umata. Imestanen ttḥaraben ɣef yimdanen sdat n ccreɛ, maca ur sɛin ara lexlaṣ seg uxeddim-nsen. Deg tallit talemmast, axeddim n umestan yella-d d win yettwassnen ladɣa deg tmura n Turuft.
Mi d-tusa tallit n tnekra tasnaɛt, axeddim n umestan yuɣal d win iteddun s ttawil d uslugen. Deg lqern wis 19, aṭas n tmura bdan aslugen n uxeddim-a s usileɣ n tiddukla tiɣelnawin n yimestanen.
Ɣef tmura
[ẓreg | ẓreg aɣbalu]Tafriqt
[ẓreg | ẓreg aɣbalu]Lezzayer
[ẓreg | ẓreg aɣbalu]Deg Lezzayer, amezruy n uxeddim n umestan yezmer ad yebḍu ɣef kraḍ n Tallitiyin tigejdanin:
1- Tallit n unekcum afransis (1830-1962): Deg tallit-a, anagraw n teɣdemt deg Lezzayer yella deg yifassen n Fransa. Imestanen llan d irumyen s tuget, ttḥaraben kan ɣef yirumyen neɣ kra n yizzayriyen i yesɛan asuref. Imezdaɣ izzayriyen ur sɛin ara azref ad sɛun amestan izzayri.
2- Tallit n Lezzayer Timunant (1962-1990): Seld timunent, Lezzayer tebda asnulfu n unagraw-ines n teɣdemt. Deg tazwara, llan drus n yimestanen izzayriyen, ayen yeğğan timura tiberraniyin ad d-aznen imestanen-nsent. Deg yiseggasen n 1970, Lezzayer tebda asileɣ n yimestanen-ines
3-Tallit n tura (1990 ar ass-a): Seg yiseggasen n 1990, axeddim n umestan deg Lezzayer yuɣal d win yettwaslugen s wudem unfid. Tiddukla taɣelnawt n yimestanen n Lezzayer (Union Nationale des Barreaux d'Algérie) tettwaxlaq-d deg useggas n 1990. Ass-a, llan mennaw n yixxamen n yimestanen deg Lezzayer, yal yiwen yesɛa azref-ines n usileɣ d uslugen n yimestanen