Aẓawan aqbayli

Aẓawan aqbayli d yiwen seg udmawen yebnan idles n wegdud aqbayli. Deg laṣel-is yebna ɣef ucewwiq aqbur n yidurar, maca ɣef teɣẓi n wakud yesbuɣer-d iman-is s ṭṭbuɛ iberraniyen am wid d-yekkan si Landalus, si Ccerq neɣ ɣer tagara seg umaḍal aɣerbi. Tura akka nezmer ad t-nebḍu ɣef waṭas n leṣnaf, gar-asen : afulklur aqbayli, ccna amensay aqbayli, cceɛbi aqbayli, taɣect tatrat n iseggasen n sebɛin, ceɛbi amaynut, ccna n tmeɣra, rock, blues, rap iqbaylien, d wiyaḍ.