Aṭṭan
Aṭṭan d tagnit targamant yettaɣen tafekka n wemdan neɣ agerru-ynes ayen i d-igellun s usenzem d uɣilif neɣ tamumt deg twuriwin d utmelli i wemdan yugmen (i yuɣ waṭṭan). Irem n waṭṭan d win yettusmersen (yettusxedmen) i wsenmel n yal ugur afekkan neɣ Tikdewt neɣ tamsedfart neɣ isekna isetmellayen (yessɛyawen) neɣ ibeddilen irnawen deg tmuska n twuriwin. Tasnaṭṭant tga d tamusni yeɣɣaṛen aṭṭanen-a. Ma d tamusni yeɣɣaṛen asesmel anarray n waṭṭanen yemgaraden iga d Tusemelṭant. Ma d tamusni yezdin yakk aṭṭanen n wemdan d tirrayin n usennefru-nsent isem-is tasnujjya
Dɣa aṭas n waṭṭanen zemren ad aɣen ula d iɣersiwen ama d imegruden (wid yettidiren ɣer wemdan) neɣ d izagiren (wid yettidiren deg lexla). Tazrawt n waṭṭanen ayti imekknen iɣersiwen isem-is abidaṛ.