Ḥmed Ḥamum

Tameddurt

Ahmed HAMOUM, d yiwen n wemdan amagnu yettidiren am ṭaqqa n yimesdurar di tmurt n Yeqbayliyen. Ilul ass n 04 di meɣres 1955 di taddart n Taqerbust, taɣiwant n Aɣbalu, tamazzya n Imceddalen, agezdu n Tubiret. Almud-is amezwaru, yesɛedda-t deg uɣerbaz n taddart-is. Imi ur as-tefki ara twenza-s ad yekcem aɣerbaz alemmas am tezyiwin-is, ɣas akken yewwi-d aselkin n tezrawt amezwaru (CEP), ikemmel deg yiɣerbazen usligen (privées).

Amezwaru-s, d medṛasat ttehdib مدرسةٱڶٿھڎېٻ (aɣerbaz n usegmi yelhan : école de bonne éducation) di Tazmalt, agezdu n Bgayet ideg yelmed aseggas.

Sakkin, ikemmel di Lmeɛhed Al Qasimi,Tasuddut Al Qasimi (institu El Kacimi) di Lhamel, tamazya n Busɛada, agezdu n Temsilt. Seld n sin n yiseggasen, iḥella-d Ccahada Al Ahliya (aselkin n tnezgit, Certificat d’aptitude (BEG), u yerna aseggas wis-kraḍ, yelmed aswir n Bakaluṛya amaynut maca ur ikemmel aseggas-niḍen akken ad yesɛu azref ad yesɛeddi akayaḍ n BAC ; sebba n waya, ḥebsen di tallit-nni n 1976, iɣerbazen n wamur uslig (privé) ; akka, yedda-tt sseɛd i tikelt tis-snat di nneqma. U syin ɣer da, yekcem di Ctember n useggas-nni ɣer uɣerbaz atiknuluji (institut technologique) n Tizi-Wezzu iseg d-yeffeɣ seld aseggas s ugerdas n yiselmaden n yiɣerbazen imezwura BSC1 (brevet supérieur de capacité 1) ; iɣull-itt daɣen zzher-is i tikelt tis-kraḍt imi t-uznen ɣer yiwen n uɣerbaz ibeɛden ur neṣɛi abrid wala tanezduɣt akked ttawilat n tudert muqadaren. Segmi tegguma tkadimit ad t-aznen s anda-niḍen, yesruḥ i rruḥ-is tlata n yiseggasen ; yiwen n tɣimit, sin n sserbis n bessif yelsa d aɛsekri di lkazirna n Ɛin-Wessara deg ugezdu n Lǧelfa (Djelfa).

Yeǧǧa-n igen, yeqqel d aɣarim, yesselmed deg uɣerbaz amezwaru s teɣzi n 18 n yiseggasen. Segmi yekki di tannant n yiselmaden n tmaziɣt i d-tsuddes tuqqna taɣelnawt (coordination nationale) n umussu adelsan amaziɣ (MCB) di Tidukla Tadelsant Tamaziɣt n Bgayet timsirin n tmeddit, si 23 Duǧember 1995 armi d aggur n yulyu 96, ibeddel ɣer Tmaziɣt deg wunbir 97 armi d-yeffeɣ tastaɣt (retraite) di taggara n duǧember 2010.

Ayen yura

Aḥeggan n Wakli
Tamacahut n Temqerqert
Lekdeb imzenneq
Amneṭri