Taggayt:Tasekla

Seg Wikipedia
Neggez ar: ẓer isebtar, anadi

Littérature. Aql-aɣ da, am wakk-a nezga… ntejjem wid i ɣ weǧǧan, wid ur nettwali ara d wid-nni izedɣen ulawen nneɣ. Akk-en yewεeṛ ɣef walebεaḍ ad yaf ameddakel n tidett, i yewεeṛ fell-as beṭṭu yid-es. Tadukli ur s teggent tilas, ur tt ttruẓunt temɣer neɣ temẓi, ssaεaya neɣ iri, tamussni d way-en iḍen. Timlilit d tegnitt slalayent-ed aḥulfu : ttemqadwan wulawen d tektiwin. D ay-a! Nnig way-a d asmeckukel d ukellex ɣef yiman-is, i wemdan.

Akk-a yal ass d asmeskti n Dda Ssaεid s way-en iga d yemla, d way-en nnan wiyiḍ fell-as. Yal tiɣmert deg iεedda tettader-ed isem-is. Tasreɣta, tamedyazt, tasekla, tiddukla, tasertit,… ttawint-d anza-s s yiseɣ d ṛṛeḥma. Win d-yudren Dda Ssaεid, yader-ed taẓuri d yedles. Isefra d tezlatin wwint-ed ɣef tektiwin-is, tisebdad-is wwint-ed ɣef tezmert ufus-is, amezgun d isaragen wwin-d ɣef tugniwin i yebɣa ad beddlent… Ma d “Tasga n ṭṭlam” d ungal swayes awal yessurug s awal, d asdukkel n tektiwin ta ɣer ta, d acqirrew n way-en yessefken ad yili neɣ ad ibeddel.

Dda Ssaεid yessaǧew ka ila ɣef tidett d yiseɣ s wul zeddigen. Tamussni-s tessager allaɣ, teffud ak timussniwin, tnuda timlilit d “wayeḍ”. Deg wawal n Urezqi Isyaxem : “…Je découvrais peu à peu pendant notre entretien un personnage attachant qui révélait son avidité des émotions pures, sa fascination pour les hommes de cultures de quelques origines qu’ils soient et une connaissance aiguisée de l’Histoire de notre pays.” Yesnulfa-d Muḥend Akli d temɣart n temɣarin s wudem n tlelli akk-en yella netta s timmad-is d wamek yettwali tudert : izenẓaren yuɣen d tafat. “Tafat i swayes iẓerr yeẓri deg way-en iferken. Tidett tettekkes timedlin imedlen ɣef yeẓri ifuden tafat. Tilelli, tidett, tafat d abrid uɣris ideg ggunin aṭas n yelmeẓyen d telmeẓyin.” Maca tuttriwin-is ur ufint ara tiririt neɣ ur tiririt ur s teččuṛ ara tit. Iseqsiyen-is gran-d εellqen am zzit n useggas-nni deg rrẓen yecbayliyen.

Asmekti n Dda Ssaεid d agmar n tizizwit, d asmenteg n tilla d tekta. D tagemt deg wenza swayes yettili gar-aneɣ, amzun yedder. Dda Ssaεid d azamul n tudert d yedles d tẓuri d tedmi zeddigen. Dda Ssaεid d timmugent n yal aseggas i nekni d-yegran deffir-es.

Nnaṣeṛ Uqemmum Ass 25 dujembeṛ 2005.

Adutaggayin

Taggayt agi tesɛa 2 adu-taggayin, ɣef ayed t-igi 2 ddaw agi.

A

I

Isebtar deg taggayt "Tasekla"

Taggayt agi tesɛa 9 isebtaren, ɣef ayed t-igi 9 ddaw-agi.