Aɣyay abelkam

Asgenses i telɣa n ubelkim n Hilyum-4. Aɣyay igber seg sin n yipṛutunen s yini azeggaɣ d sin n inyutrunen s uzegzaw. Akken i s-tezzi tduli igebren seg sin n iliktṛunen i ssiɣayen tadusi 2s (asegna azunɣid).

Aɣyay d amur alemmas n ubelkim anda i tezzenẓay deg-s tkura n ubelkim akken i d-ittnulfa degs wamur meqqren n takura-ines seg yipṛutunen ilawen n taggat tazarurant d yinyutrunen yemgadan deg taggat, i wakken ad yili weɣyay s unalkam d ilaw n taggat, ma d taggat n iprutunen tilawt deg umḍan tegda taggat n iliktṛunen ibawen, ayen yettaǧǧan abelkim ad yili yemgada deg tazrura.

Akdu n weɣyay iga gar n 1,75 fm (1.75×10⁻¹⁵ m) i uhidṛujin (ayen yegdan aqqaṛ n yiwen n upṛutun) alamma d 15 fm i yibelkimen imeqqranen n tkura am uranium. Iseggiwen-a meẓẓiy-it s waṭas ɣef wakdu n ubelkim (s wazal n 23 000 n tikkal i wuranium d 145 000 n tikkal i uhidṛujin).

Afurk n tfizikt i d-yelhan s tezrawt d tigzi n weɣyay n ubelkim s wayen yellan deg tsuddest-ines yettusemma s tfizikt tabelkamt.