Yugurten

Seg Wikipedia
Neggez ar: ẓer isebtar, anadi

Yugurten ngh Yougarta (Jugurtha s tlaṭinit) yella d agellid n Numidia seg wasuggas 113 armi d 104 uqbel Ɛisa.

Armi tgeldit n jeddi-s Masnsen , aḥric ameqran n imezdaɣen n Numidia llan ttɛicin s tafellaḥt, s wayagi ttemxallafen ɣef Imaziɣen-nniḍen ur nettissin ara taflaḥt imi ɛacen s tameksa in lmal. Masnsen ixelq-ed yiwet n tagelda (tajumma-s azal n Ledzayer n tura) akk-d yuɣal-ed d amdakkel n Roma deg 206 UL (uqbel n lweqt-nneɣ). Mbaɛd ma yemmut, yettwaxellf-ed s mmi-s Misipsa. Yugurten yella d aɣerfan gar lɣaci n tmurt-is, akter anagar n Misipsa, ɣef wagi aneggaru agi iceggeɛ Yugurten ɣef Hispania (isem i fkan Irumaniyen i Spanya deg lweqt-nni).

Misipsa ikcem-it weɣbal imi ma ikemmel akka yezmer ad yuɣal d agellid mbeɛd lmut-is; deg lewqam n Misipsa d arraw-is ara a t-id-ixlefen.

Misipsa ur yesɛi zhar imi taɣerfant n Yugurten ternu akter ayen tella asmi yella deg tmurt; deg Hispania Yugurten, d amnay ifazen tizya-s, yerbeḥ lmeḥibba n kra n yemdanen yesɛan ccan deg Roma. Deg asutel n Numantia iqeddc-ed s lǧehd lwahid Gaius Marius anda yeẓra agufsu n Irumaniyen. Qqaren belli yenna-d ɣef Roma belli tella yiwet n “Temdint yerkan, i qqurben ɣef aɣelluy-ines, ara ula d yiwen a-ţ-yeɣ.”[1]

Imi yemut deg 118 Misipsa, igelled azal n 30 iseggasen, yettwaxlef s sin warraw-is Aderbal akw d Hiemsal. Hiemsal akk-d Yugurten imeren kan bdan imenɣi-nsen; Yugurten yenɣa Hiemsal ayagi yebda daɣen yella ssiba n ttrad n Aderbal mgal Yugurten. Imi iwala belli ur yezmir ara ad iqabel Yugurten s lɛasker ines Aderbal yerwel ɣer Roma.

Imawalyen n Roma, ahat s ssiba n ugufsu-nsen neɣ s ţideţ bɣan ad fakken s uɣiwel amlasay agi, kecemen garassen, ferqen tamurt ɣef sin; Yugerten igelled ɣef utrim n tamurt, Aderbal ɣef ccerq. (iseggassen mbeɛ tazniwt n Roma teberreh belli tama n Yugerten tella axir n tama n Aderbal, teccur s lekyasa, lemeɛna is sin llan s drus n lɣaci akk-d drus n lerzaq)

Deg 112 Yugurten yerna ttrad ines mgal Aderbal, lameɛna deg tikkelt agi yesker-ed urrif n Roma ɣef yiman-is axaṭer yenɣa kra n Irumiyen i llan ttɛwanen Aderbal. Mbeɛd kra n imenɣi mgal Roma, Yugurten isselm-ed yiman-is lameɛna yerbeḥ aglam meqqren; annect agi ibedd ccek ameqran deg lweqt-nni, s tikkelt tajdidt, mgal ugufsu n imawalyen n Roma akkd Yugurten.

Useqqamu ameqran n Roma, s timelwi n aɛdaw-is Gaius Memmius, illuɛad ɣef amenzad adigan n lɛesker-is deg Tafriqt n ugafa ad yuɣal ɣer Roma i wakken ad iɛeddi di ccreɛ. Jugurten daɣen yemsaffar-ed ɣef Roma anda lɛeqliya tamekridt ines tban-ed ɣef lɣaci merra.

Imenɣi kkren-ed gar Numidia akk-d Amenkud Arumani; aneggaru agi icegɛ-ed aṭas n lɛesker ɣef Tafriqt n ugafa seddaw timelwi n l consul Quintus Caecilius Metellus.

Yugurten yettwaḥebsen sɣur Irumaniyen. Tugna seg wedlis n useggas 1772, s tutlayt tasbanyulit ("la Guerra de Jugurta por Cayo Salustio Crispo") "Imenɣi n Yugurten".

Imenɣi mgal Yugurten dumen kra n iseggasen mbla lexsara tameqrant n Yugurten; ɣef wagi Useqqamu ameqran n Roma yextar Marius, aɛeskri n Metellus, ad yelli d lconsul amaynut deg Tafriqt ad ikemmel ttrad agi.

Marius yella d aɛdaw iwaɛren aṭas imi yenɣa ayen yella deg webrid-is. Marius icegɛ-ed amarag-is Lucius Cornelius Sulla ɣer Bukus I, agellid n Mauretania', s talilt n Bukus i-t-ixedɛen Yugurten yettwaṭṭef ger iffasen n Sula.

Yugurten yeqqim deg Lḥebs n Tullianum, deg temdint n Roma, 6 wussan armi yemut si fad akk-d d laz.

Amezruy n imenɣi n Yugerten llan deg yiwen n tektabt s tutlayt Talatinit iwumi qqaren “De Bello Iugurthinoimenɣi n Yugerten.

Tazmilt[beddel]

  1. « Urbem venalem et mature perituram, si emptorem invenerit. »

tazniwt = propagande

aglam = privilege

Amenzad = commandant

Iseddagen[beddel]