Takatalant

Takatalant di Katalunya.

Aseqdec n tkatalant yeẓẓa iẓuran-is yerna simma simma la ttnernin di Katalunya. Di tallit-nni ideg Franco yeṭṭef Spanya yegdel-itt, maca xas akken, tedder deg yilsawen n ikatalanen . Di tmendawt(Constitution) taspenyult n 1978, Tameslayt-a tuγal d tunṣibt di Katalunya d Tegzirin Baléares daγen di temnaḍt n Valansya, dinna ssawalen-as “Tavanlansyant”. Tasekla s tkatalant teğuğğeg, ayen din n yedlisen i d-yettrusun di tsedlisin, ula deg isupermarciyen znuzun-ten. Deg iberdan ukeṛṛus ipanuten ttwarun yakk s tkatalant, ttwarun ula s tkastilant (taspenyult) maca seddaw n tkatalant. Tisdawiyin smenyafent taγuri (leqraya) s tkatalant, tuget n tezrawin tgen-tent yinelmaden s tmeslayt-a, ula deg isura n sinima isutitrajen tgen-ten s tkatalant.

Tilibizyuwat d yilγagduden-nniḍen ttmeslayen s tkatalant, seg imeẓyanen alamma d imγaren zemren yakk yikatalanen ad slen, ad walin neγ ad γren ayen i sen-yehwan s tkatalant.