Takatalant

Si Wikipedia, tasanayt tilellit.
Takatalant
català — valencià
At tutlayt tayemmat
tutlayt tayemmat: 4 079 420 (2012)
tutlayt tis snat: 5 100 000 (2012)
Agemmay alatini
Ingalen n tutlayt
ISO 639-1 ca
ISO 639-2 cat
ISO 639-3 cat
Glottolog stan1289[1]
Wikipedia ca

Takatalant di Katalunya.

Aseqdec n Tkatalant yeẓẓa iẓuran-is yerna simma simma la ttnernin di Katalunya. Di tallit-nni ideg Franco yeṭṭef Spanyul yegdel-itt, maca xas akken, tedder deg yilsawen n Ikatalanen . Di tmendawt(Constitution) taspenyult n 1978, Tameslayt-a tuɣal d tunṣibt di Katalunya d Tegzirin Baléares daɣen di temnaḍt n Valansya, dinna ssawalen-as “Tavanlansyant”. Tasekla s Tkatalant teğuğğeg, ayen din n yedlisen i d-yettrusun di tsedlisin, ula deg isupermarciyen znuzun-ten. Deg iberdan ukeṛṛus ipanuten ttwarun yakk s Tkatalant, ttwarun ula s Tkastilant (Taspenyult) maca seddaw n Tkatalant. Tisdawiyin smenyafent taɣuri (leqraya) s Tkatalant, tuget n tezrawin tgen-tent yinelmaden s tmeslayt-a, ula deg isura n sinima isutitrajen tgen-ten s Tkatalant.

Tilibizyuwat d yilɣagduden-nniḍen ttmeslayen s Tkatalant, seg imeẓyanen alamma d imɣaren zemren yakk yikatalanen ad slen, ad walin neɣ ad ɣren ayen i sen-yehwan s Tkatalant.

  1. Hammarström, Harald; Forkel, Robert; Haspelmath, Martin, eds. (2017). "Takatalant". Glottolog 3.0. Jena, Germany: Max Planck Institute for the Science of Human History.