Mark Zuckerberg

Seg Wikipedia
Neggez ar: ẓer isebtar, anadi
Mark Zuckerberg

Mark Elliot Zuckerberg ilul ass n 14 mayu deg Dobbs Ferry (tamnaḍt n Westcher I d-yezgan deg New York), seg yiwet n twacult tuwdayt tamarikanit, imawlan-is i sin yid-sen d imejjayen, gma-s mazal-it deg tseddawit n Harvard. D asenselkam (informaticien), yerna d aɣella n tkebbanit (chef d’entreprise), d netta daɣen i yeṭṭfen amkan ameqqran deg usmel n Internet n uẓeṭṭa imetti n Facebook.

Σla ḥsab n umsizwer n Forbes 2008 n sεayat timeqqranin n umaḍal, sεaya n Mark Zuckerberg tewweḍ ɣer 1,5 imelyaren idularen. 23 iseggasen deg leεmer-is, yewwi azwel (titre) n ilemẓi amerkanti yakk deg umaḍal.

Imi yella d anelmad deg tesdawit n Havard, tusa-yas-d tikti ad d-yesker yiwen uẓeṭṭa imetti I yinelmaden, dɣa yessihel-d (programmer) deg texxamt-is taseddawit talɣa tamenzut n Facebook, i d-yessuffeɣ deg useggas n 2004. Cciεa yewwi-tt imir-nni yakan ɣur inelmaden n tseddawit, dɣa drus kan akka n wakud sseqdacen-t iɣerbazen nniḍen, send (uqbel) ad d-yeffeɣ i medden irkelli. Deg 2007, Facebook yuɣal d asmel wis-7 ɣer wacu i d-rezzun medden s tuget, dɣa takebbanit tessaweḍ ɣer 15 imelyaren idularen. Mark Zuckerberg ɣur-s 20% deg imuren n tkebbanit.

Σla ḥsab n uɣmis n Wall Street, deg mayu 2009, yiwen imsefti arusi yessumer-d (proposer) 200 imelyan idularen I waken ad yessiweḍ ihri (capital) n tkebbanit ɣer 10 imelyaren idularen, dacu kan yecreḍ ad yesεu amkan deg usqamu n tedbelt (conseil d’administration). Maca Mark Zuckerberg yugi, acku netta yenna ur iqebbel ala isumar ara s-d-yernun deg cciεa i uẓeṭṭa-ines imetti.

Deg umsizwer n yimdanen i yesεan afud deg umaḍal, i texdem tesɣunt Time deg 2008, yewwi amkan wis-52.