Leonardo da Vinci

Seg Wikipedia
Neggez ar: ẓer isebtar, anadi
Leonardo da Vinci, ar usegg°as 1510

D anaẓur alsawi (artiste humaniste), aflurunti (Ṭelyan), d amekla (peintre), d asreqqat (sculpteur), d amasdag (architecte), d ajenyur u d amassan. Leonardo da Vinci d Aṭuskani (agafa n Ṭelyan), ilul ass n 15 di yebrir 1452 di tmura Vinci zdat n Florence. Ar usegg°as 1466 ikcem d anelmad (garzone akken i sen-qqaren di Ṭelyan) ad d-ilmed takult d usreqqet deg usak°en (atelier) n Andrea del Verrocchio (1435-1488). Seg usegg°as 1478 Léonard de Vinci yuɣal d anaẓur ilelli.

Deg usegg°as 1482 Leonardo da Vinci ikcem d ajenyur n Ludovic Sforza, amḍebber (duc) n Milan. Deg usegg°as 1502 iqdec d ajenyur i César Borgia amḍebber n Romagne. Yuɣal ar Milan deg usegg°as 1506. Deg usegg°as 1507 iṭṭef amḍiq d amekla n Louis XII n Fransa izedɣen imiren di Milan.

Seg usegg°as 1514 ar usegg°as 1516 idder di Rome s ddaw ijufar n Ubab (pape) Léon X, izdeɣ di teɣremt (palais) Belvedère di "le Vatican", din iqqdec tussna.

Deg usegg°as 1516 Leonardo da Vinci iwweḍ ar Fransa d aqeddac n François I. Asegg°as-ines aneggaru idder-it di teɣremt n Clos-Lucé, zdat n Amboise anda immut ass n 2 di magu 1519.

Gar tiktulin n Léonard de Vinci llant:

  • Madone Benois (v. 1478, asalay (musée) n Ermitage, Saint-Pétersbourg).
  • Tugna n Ginevra Benci (1481, National Gallery, Washington).
  • Saint Jérôme ur ikfi ara (v. 1481, pinacothèque du Vatican).
  • La Vierge aux rochers, i deg llant snat n tugnatin (tamenzut, iga-tt deg usegg°as 1483, tella teḥrez di Louvre).
  • La Joconde (1503-1506, asalay n Louvre).

Tamselyut[beddel]