Hewwari Bumedyen

Seg Wikipedia
Neggez ar: ẓer isebtar, anadi

Hewwari Bumedyen (ilul seg yisem n Muḥemmed Ben Brahim Buxerruba deg 23 Ɣuct 1932 deg Ɛin Ḥsayneyya, Galma - yemmut deg 27 Dujember 1978 deg temdint n Ldzayer), d aserdas adzayri, d aselway wis sin n tmurt n Ldzayer (deffir uzarug), gar 1965 ed 1976, yerna yeqdec d aselway n Useqqamu n Tegrawla gar 1965 ed 1976.

Deg tallit n wemgaru (ṭṭrad) n Ldzayer, yefka i yiman-nnes isem n Hewwari Bumedeyn yerna yuweḍ ɣer tfesna (legṛad) n weknaner (colonel). Deg 1959, yeqqel d Imḍebber Aɛlayan n Yigen n Weslelli Aɣelnaw (armée de libération nationale). Asmi ay tuwey Ldzayer azarug-nnes (indépendance) deg 1962, Boumediene yeqqel d aneɣlaf n temḥaddit ddaw uselway Aḥmed Ben Bella, am wakken ay yeṭṭef amkan n wenmazul n Uneɣlaf Amezwaru (vice-Premier misinitre) gar 1963 ed 1965. Deg wass n 17 Yunyu 1965, Bumedyen yesseɣli Ben Bella seg udabu yerna yeqqel d netta d aselway n tegduda. Deg wass n 20 Yunyu n useggas-nni, yerna yeṭṭef ula d amkan n Uneɣlaf Amezwaru.