Eutropius

Seg Wikipedia
Neggez ar: ẓer isebtar, anadi
Ɣef afesyan Abyzanti, di leɛnaya-nwen zeret Eutropius (396-397).
Ɣef saint Eutropius, di leɛnaya-nwen zeret saint Eutropius.

Eutropius yella d anmezray Aromani iɛacen deg azgen aneggaru n lqern wis rebɛa.

Tameddurt[beddel]

Eutropius yella d amaray (magister memoriae) deg Constantinupolis akk-d afriq n umenkad Iulianus, Flavius Claudius Iulianus, (361 - 363) deg taslekt-is n tmurt n Ifarsiyen (363), yella yeder deg lweqt n tgeldit n Valens, Flavius Iulius Valens, (364-378) iwumi yefka-d taktab-is Breviarium historiae Romanae. Yewin unmezray n nidden, Georgios Codinos, deg De Originibus Constantinopolitanis yena-d belli Eutropius yella d amaray n Constantinus I, Gaius Flavius Valerius Aurelius Constantinus, lameɛna ur iban ara lhal lammer ihder ɣef Eutropius agi.

Tira[beddel]

Breviarium historiae Romanae s ssifa n ɛecra n isuned, d lbir n ineɣmisen i d-yella ɣef tudert deg Amenkad Abyzanti akk-d umezruy n lweqt nni ; ɣef agi Eutropius yeqqim-ed d amedya i gjebbden atas lbal n imnadiyen n umezruy di ddunit merra imi yura-d s ddehn akk-d tamesɣara i meqren.

Ɣas akken Talatinit-is temxalef, deg kkra n imedyan, ɣef ayen yefsan deg tutlayt, lameɛna ahric ameqran n iɣerbazen uddren, ɣef lmuda i meqren, iḍrisen-is imi selmaden Talatinit i inelmaden-nsen.

Taɣzi n Lbreviarium temɣer armi n lweqt n Iustinianus s iffassen n Paulus Diaconus (illul azal n 720 – yemut azal n 799) akk-d Landolfus Sagax (azal n usegas 1000) armi n lweqt n umenkad Leon V (813-820) asmi teţwaru tigezmi yeţţusemmen Historia Miscella.

Ger tisuqal merra deg tutlayt Tayunanit s iffasen n Capito Lycius akk-d Paeanius, taẓrigt n unegarru i g kemlen ɣef wiyad. Lameɛna taẓrigt n Eutropius i sɛan ccan deg ddunit merra tella n H. Droysen (1879) imi tesɛa taẓrigt Tayunanit akk-d n Paulus Diaconus d Landolfus.

Llant daɣen atas n tisuqal s Tanglizit.

Iseddagen[beddel]

Aḍris agi Ikker-ed seg yewin n weḍris n l'Encyclopædia Britannica asuned wis hdec ; tira i yellan deg ugzum n lbaylek.

Izdayen Iberraniyen[beddel]