Agadir

Seg Wikipedia
Neggez ar: ẓer isebtar, anadi

Agadir d tamdint tameqqrant, tuzga-d deg utaram n Merruk di tasga n Sus. Imezdaɣen-ines meslayen aṭas s tmaziɣt tacelḥit ar wass-a.

Azar n Wawal[beddel]

Awal-agi ugadir yella zik di teqbaylit, maca ass-a, ughalen Leqbayel ur t-ssexdamen ara at'as, d acu kan, mazal yella yiwen n wemd'iq di Tmurt n Leqbayel qqaren-as "Agadir", yernu amd'iq-agi d lexla. Dgha "agadir" anamek-is deg Yiwad'iyen "amkan ibedden, ur neqâid ara" (pente assez raide mais par où on peut passer), meh'sub, mi ara yili ufellah' la ikerrez, mi yewwed' s agadir, ad yughal, acku dinna ur yeqâid ara lh'al, akal maci d agdis i wakken ad tâeddi deg-s tgersa. D acu kan, anamek aqdim n wawal-a netta d "aghrab" (lh'id'), dgha ghef leh'sab n Salem Caker (Lybica), "agadir" ad yili yekka-d seg wawal afniq (phenicien), u nezmer digh ad t-nesseqreb s awal n taâr'abt "djidar" (= aghrab, lh'id'). Dgha, yezmer lh'al ad tili temdint-agi n Ugadir, di Merr'uk, semman-as ghef leh'sab n wakal-nni yellan dinna, uqbel ma tettwabna, negh digh, yezmer lh'al ad tili tesâa zik-nni igherban (leh'yud') i d-yezzin fell-as, dgha semman-as fell-asen.