Vinland Saga
Vinland Saga (ヴィンランド･サガ, Vinrando Saga) d amanga n umezru yura-t mangaka Makoto Yukimura,
Agzul[ẓreg | ẓreg aɣbalu]
Yessexleḍ umaru iwudam n umezruy d kra n yiwudam id-yesnulfa seg wallaɣ-is . Vinland Saga d tamacahut n yiwen n yilemẓi seg tmurt n Island d Turfin Tursun . Aqcic-a d mmi-s n ugrawliw , tbeddel tudert mi t-nɣan yiceffaren n uɣella uḥric Askeladd sdat wallen-is .Yeččur-it uɣuccu yettargu ad d-yerr ttaṛ ad ineɣ win i yenɣan baba-s .
d beqqu-agi n tririt n n ttaṛ i t-yerran ad itekki deg nnfaq n yidenmarkiyen mgal Langliz di tazwara n tasut tis mraw d yan , ttmeslayen-d akken iwata ɣef waṭas n yisental akka am wajjed , nnfaq ... yemla-d amek ttidiren wid i iḍur nnfaq
Tamacahut[ẓreg | ẓreg aɣbalu]
Deg 06 n yiseggasen imezzwura deg yila-s yedder Turfin deg talwit d twacult-is di taddart-is i yella ɣer yilel di tmurt n Island . Ass mi d-tewweḍ teflukt n ugdud n Jomsviking ɣer taddart-is , s ddaw n tmehla n uɣella Fluki i yeẓri belli baba-s Turs Snurisun ( Thors Snorrisson ) , yella d agrawliw d wawal ttagadent akk ugdud n Jomsvikings . Aneggaru a i yugin amennuɣɣ terrat tmara ad itekki d Fluki akken ad kecmen tmurt n Lingliz , yedda yid-s umeddakel-is Lef Eriksun (Leif Erikson) . Ihi yezger ilel akken ad yekcem lingliz. Ɣas akken icukk belli d Fluki i yebɣan ad t-yexdeɛ ; deg ubrid-nsen teḥbes-iten-id teflukt n yiflisen n yiwen qqaren-as Askeladd , s tḥerci yenɣa Turs , sdat wallen n Turfin i ykecmen taflukt n baba-s s tuffra ; yeggul-as i Askeladd belli ad t-ineɣ assa neɣ azekka iger-d iman-is ɣer trebbaɛ n yigrawliwen n Askeladd .
Kra n yiseggasen i yɛeddan , yuɣal turfin d iniɣi ur nesɛi ul , s tasmuḍi i yneqq icengu-ines , iswi-ines amezwaru d tirrin n ttaṛ. Imi yexdem deg tneglufin , yuwi-d rrbeḥ i Askeladd , iɛemmed-as uneggaru-a ad nnaɣen , maca am yal tikelt ur yelḥiq ara ad t-ineɣ .
Deg useggas n 1013 tufa-d terbaɛt n Kra n Askeladd iman-is deg wul deg yimenɣi i ubadu n lɛerc n Denmark . Kra n yimalasen send aya , tennuɣ terbaɛt ɣer tama n yiserdasen unsiben idenmarkiyen ɣer tewwura n temdint n Lundun , i yettɛassa Turkil (Thorkell) ameqqran d yirgazen-is . D iɛeggalen seg ugdud n s Jomsvikings , i yennuɣen ɣer tama n uɛdaw aneglizi , akken ad nnaɣen akked yiɛeggalen seg ugdud-nsen i ten-yugaren tazmert . Iceyyeɛ Askeladd Turfinn akken ad d-yawi aqerru n Turkil , maca ur yelḥiq ladɣa imi Turklil d bu tfekka n waɣzen . Imi yezga ixetter tineglufin-ines ikemmel ugellid Sbin amezzwaru (Sven I) abrid-is yeǧǧa-d aseqqamu-ines i mmi-s ageldun Knut , yeḍra-d wayen ilaqen ad d-yeḍru : wwin-t yiserdasen ixeddmen d Turkill .
Mi yesla Askeladd lexbar-agi ixemmem akken iwata yufa-d belli ad yuɣal d anesbaɣur ma yerra-d ageldun ɣer teɣremt n baba-s , ihi yebda yettnadi fella-s , s tiḥerci-ines ufant-id yiserdasen n terbaɛt-is , imiren id-yufa Askeladd argaz ilmeẓi ifeclen d imsetḥi d amagad ur nezmir i nnfaq yetteffer s deffir n uzagur n uqeddac-is Ragnar ; d ayen ibaben , ur yezmir ara ad yuɣal d agellid , akken ad yizmir i yiserdasen n Turkil i ten-yugaren deg umḍan s wacḥal ;
yesɛedda-d Askeladd tarbaɛt-is seg tmurt n yigaliyen , d tamurt-is tayemmat , anda id-yufa imeddukal ur t-nesnuzuy ; syin ɛeddand seg Gainsborough i yellan ddaw n tmehla n Danmark .
Yella zzehr-nsen d aberkan , imi teweḍ-d tegrest zik uqbel lawan-is . Dɣa terra tmara tarbaɛt ad tezger tamurt n yiɛdawen s nnig n wul . Ḥebsen cwiya deg yiwed n taddart ideg snegren akk imezdaɣ-is , deg usnebgat-nsen yenɣa Askeladd Ragnar akken ad yettkel Knut iman-is ad terr tmara ad iḥerrek iman-is imi yezga d tuffra s deffir n uqeddac-is ; deg usenger-nni teggra-d yiwet n temsedrart d tamuddirt temla-as-d i Turkil anda yettili Askeladd d yiserdasen-is . Mi ẓran belli ad d-ileḥḥu Turkill , kemmlen yiserdasen n Askeladd seg tikli-nsen . Imiren bdan kra n yiserdasen ɛeyyun deg wayen ixxeddem uɣella-nsen , uɣalen ttwalin tiktiwin-ines ur sint ara azal . Mi ten-id-ufan yiserdasen n Turkill , senzen Askeladd xedɛent nnan-as asen-d yefk ageldun akken ad t-ǧǧen d amuddir , yeǧǧa Askeladd ageldun ɣer Turfinn d Bjurn (Björn) d afus ayeffus amekdi n Askeladd , maca din din yuɣal Turfinn ɣer wansi id-yekka ; imi mazal yebɣa ad d-yerr ttaṛ yeǧǧa ageldun akked Bjurn ad t-iḥudd seg kra n wid iten-id yettabaɛen . Mi yelḥeq Turfinn Askeladd yufa Turkill akken yessenger akk iserdasen-nni i yellan akked Askeladd syin yeddan yid-s imi ur sen-yefki ara laman : "amek ur txeddɛen ara yernu nutni sensen win ukkud ddren acḥal " . Mi d-yemmekta Turfinn akk ayen is-yesselmed Askeladd yejreḥ Turkill bu tfekka n yilef ljerḥ meqqren yeqqar-as d netta kan i yesɛan azref akken ad ineɣ Askellad . Dagi i yessewhem Knut akk wid yellan , imi d-yessebgen iman-is ; iwala amennuɣ n Bjurn mi akken regglen , mi yessla i wawalen n umeksa arumi Willibald i yteddun yid-s yufa-d amek ara d-yeffeɣ d agellid bu tissas , yelḥeq ad yessemlil iserdasen n Turkill d Askelad s ddaw n leɛnaya-s i sin , yerra umbeɛd Askeelad d anesɣamu-ines deg tikli-ines aken ad yaweḍ s adabu . Ad t-yekkes i baba-s agellid Sbin .
Di tazzwara n useggas n 1014 , yuweḍ-d ugeldun Knut ɣer "Gainsborough" , yid-s sin n yimsisan imaynuten yid-s . Ifaq baba-s din din mi d-kecmen belli ibeddel-d axemmem-ines yerra-d tagelda gar wallen-is . Yebda-d wurar n testratijiyin gar ubabat d mmi-s ; yenna-as Sbin i Knut ad mlilen di Yurk i deg ara yili udraw meqqren i usfuggel n unekcum n Lengliz , adraw-agi ad ilin deg-s akk yimeqqranen idenmarkiyen . Mgal yal tirǧin , deg udraw-agi i yekfa umennuɣ gar Sbin d Knut . Yenna-d Sbin sdat akk yinebgawen belli ad yesseɣli tamurt n yigaliyen s ddaw n leɛnaqya-s akken ad yesserfu Askeladd . Mi yeɛreḍ Askeladd ad s-ibeddel rray-is yenna-as Sbin belli ad isellek tamurt-is ma yuwi as-d aqerru n Knut . Sdat n sin lextyarat-agi yegmen ad yefk-iman-is akken ur tɣelli la tmurt-is la Knut , yezla agellid sdat wallen n akk wid yellan , yerra iman-is d ameslub . Turfinn ur nelli deg udraw-nni yuweḍ-it-id lexbar mi ywala inebgawen la d-regglen syin segzan-as-d tadyant dɣa iruḥ ad t-iɛiwen maca iɛeṭṭel . Akken ad iwali Knut yefka-as tiyita n lmut i Askeladd i yemmuten gar yifassen-is , qrib yeslib Turfinn mi yufa ssebba n tudert-is , tirrin n ttaṛ n baba-s truḥ akka gar wallen-is . Yeɛreḍ ad ineɣ Knut maca ḥensent-id , imiren yerra Knut iman-is d agellid , bdan akk a tellimen fella-s imi yenɣa aceffar am Askeladd , suffɣen Turfinn si teɣremt dɣa ur d-iban seg umezruy
- Ixef wis sin ( ark n waklan seg 8 ar 14 )
Yezzi useggas d nnefs iban-d yiwen n wakli d anglizi qqaren-as Inyar , yufa-d belli yella yiwen qqaren-as Turfinn yeɛreḍ ad ineɣ Knut maca senzent deg ugadez n waklan i yiwen n adenmarki isem-is Ketil . Deg tebḥirt n uneggaru-a i yexdem Turfinn i ybeddlen mliḥ di ssifa yexdem di tfellaḥt . deg yiḍ yettargu tirga n dir seg tudert-is taqburt ; yebɣa ad yemmet iɛeyya di tudert . Ɛawnent-id yimeddukal-is : ameddakel-is Inyar , d sidi-s Ketil d baba-s n uneggaru-a Sberker , d tdukkli d taklit qqaren Arneyis i yḥemmel Inyar , yebna-d iman-is seg yilem , yeggul ad yeḥbes ccwal d wiyaḍ maca tigawin ....
Iwudam[ẓreg | ẓreg aɣbalu]
- Turfin (トルフィン, Torufin)
- D ilemzi semmḍen , d awḥid iswi-ines di tudert d tirrin n ttaṛ n baba-s , yesɛa azal n 17 n yiseggasen deg yila-s . Ɣas akken yekreh Askeladd ; itekka di terbeɛt-is akken ad yizmir ad yennaɣ yid-s argaz s argaz ad yizmir di taggara ad t-ineɣ ad tesgunfu rruḥ n baba-s di talwit .Akken ad yesɛu azref i umennuɣ-agi ilaq ad yexdem akk ayen is-d-yessutur Askeladd , ladɣa timenɣiwin iweɛren di tneglufin-nsen . Dɣa yezga yettefeɣ-d yerbeḥ s lemɛawna n tḥerci n uɛdaw-is .
- Sɣur yemma-s Hilga , turfin d mmi-s n laṣel , imi d mmi-s n mmi-s n Sigbald (Sigvald ) aɣella meqqren n ugdud n Jomsvikings , ihi Turfinn d ayaw ameẓyan n Turkill ameqqran , aɣella ukud yennuɣ sin n yiberdan .
- l possède néanmoins toute son habileté au combat. Ɣas akken ur d-yuwi ara tiɣzi d tehri n baba-s , yuwi- Turfinn tazmert d tmussni di tneglufin , d ayen i yerran Askellad ad yettkel fella-s .
Di taggara , Iwala Turfinn s wallen-is lmut n Askellad maca ur yelḥiq ara ad d-yerr ttaṛ n baba-s . Qrib yedderwec si reffu d leḥzen , teɛreḍ ad ineɣ agellid Knut maca ur yezmir ara . Ɣef tigawta-a , yuɣal d akli yenza deg ugadez i yiwen n unesbaɣur adenmarki qqaren-as Ketil. Yexdem Turfinn deg wakal n taddart n taddart n urgaz-agi akked yiwen n wakli anglizi , Inyar , i yuɣalen d ameddakel-is amezzwaru n ṣṣeḥ . Yuɣal urgaz ilemẓi ur yesɛi ara assaɣ akked yimenɣi mebla rreḥma , akken yella zik-nni . Mebla tamentilt i tudert , ifaq netta d yiman-s belli yuɣal d ilem ur yelli wacemmek la deg wul-is wala deg tidmi-s, yesteqsa iman-is ma mazal-it yeckunṭeḍ di tudert ma mazal yebɣa ad yidir . Maca mi yettɛeddi wakud cwiya cwiya s lemɛawna n yimeddukal-is ,yeggra-d ɣer bennu n yiman i ubrid nniḍen yeṭṭef abrid n talwit d tigin n yimenɣi d ccwal.
- Askeladd (アシェラッド, Asheraddo?)
- D nnefṣ adinmarki , nnefṣ agali , d mmi-s n yiwet n tgeldunt tagalit i yuwi yiwen n uɣella adenmarki yid-s , Askeladd yella ɣef uqerru n terbaɛt n yigrawliwen meẓẓiyet maca teǧhed mliḥ , texdem rrbeḥ meqqren imi aɣella-ines d uḥric yessen amek ara yesselḥu nnfaq. Send mraw n yiseggasen n tigaxin tigejdanin n tmacahut-agi , yeqbel ad ineɣ Turs , lbaba-s n Turfin , akka i tebda teqsiḍt .
- Sbegnent-id d yiwen seg yigrawliwen igerrzen di tmazrart , pyezmer ad ifiq i uɛdaw mi ara d-ilḥu . D uḥdiq , ilur yettɛeṭṭil ara deg usexdem n txida akked ad ikellex iɛdawen-is isem-is n tidet d : Lucius Artorius Castus.