Tutlayt taqbaylit

Taqbaylit , (ⵜⴰⵇⴱⴰⵢⵍⵉⵜ) niɣ Tazwawt d tutlayt i ttmeslayen Iqbayliyen. Taqbaylit tettikki deg tutlayin timaziɣin. Ma ɣas tutlayt tamaziɣt, zik, tettwaru s isekkilen n tifinaɣ akken tettwaru tmaceɣt ar wass-a, tamaziɣt tazwawt neɣ taqbaylit tettwaru nettat s isekkilen ilatiniyen.

Adlis amenzu i d-yeffɣen s teqbaylit d win yura Adolphe Hanoteau ɣef tuɣac n ğerğer (1867); deffir-es d Auguste Mouliéras i yuran sin yidlisen af tmucuha n Tmurt n leqbayel (1891, 1893-95), ak d Bulifa i yuran taktabt ɣef isefra n Si Muhend (1904). Imir-en, uran Ifransiwen kra n yedlisen ɣef tmucuha d isefra n Iqbayliyen. Ungal amenzu ittwarun s teqbaylit d win yura Belεid at εli deg iseggasen 1940. Adlis i s-yefkan ilugan iressan n tjerrumt i teqbaylit d win yura Dda Lmulud Mεemri. Kamel Ait Zerrad netta yerna-d ɣef umahil n Dda Lmulud i wakken ad iressi ugar ilugan n tjerrumt n tutlayt-ayi. Iseggasen-a ineggura ffɣen-d azal n 400 idlisen s tmaziɣt, gar ammuden n isefra, tullisin akk d ungalen.

Taqbaylit ass mi i d-kecmen ifransiwen ar tmura n tefriqt ugafa tella tettwameslay deg yiwet n temnaṭ meqqren azal n snat n tikkwal tamnaṭ n leqbayel n wass-a. Seg tudrin i d-yezzin i Mila, terreḍ ar tid n idurar n Lḥuḍna, izuɣar n Ṣṭif, idurar n Jijel, Msila, tuɣaleḍ-d ar tmurt n leqbayel n wass-a, At Wertiran, At Yaεla, akk d iderma n temnaṭ n Bgayet, n Tubirett akk d wid n Tizi d Bumerdas.

Imir ifransiwen tekkan ɣef lquyyad akk d Bacaɣat akken ad qehren agdud. Kksen akal i wid yellan zedɣen anda yella wakal yelhan i tyerza, kra snegren-t, kra snejlan-t. Fkan akal nni i Lquyyad. Lquyyad-agi akk d Bacaɣat d wid yeɣran taεrabt, ifransiwen llan lemmden taεrabt akken ad ttemyarun d lquyyad-a, imezdaɣ yeqqimen d aklan deg tmurt nsen yeqqim-asen-d kan ad ḍefren almi i d-ufan iman nsen ttun tutlayt nsen, akken i sen-iruh wakal nsen, ǧǧan iman nsen tuɣ fell-asen taɛrabt am akken werǧin mmeslayen taqbaylit. Ihi akka i teqqurmeḍ tjumma anda tettwameslay teqbaylit ass-a.

I izemren a tt-iḥadden ɣef wengar d tira akk d tayri d wazal ad as-fken warraw-is. Ma tenger teqbaylit ad negren iqbayliyen, a d-qqimen imdanen war idles, a sen-teḍru am tebrikt yettun tikli n tyaziṭ, tin n tsekkurt ur as-tewwiḍ ara. Ttbut ɣef aya, ad iɣer kan yiwen amek d-gran wid akken yettun tutlayt nsen uɣen tutlayt nniḍen anda yewweḍ wazal nsen. Win i d-yusan a ten-yenher am ulli.

== Tamsert

Agemmay n tmaziɣt (alatini)

Ẓer Agemmay alatini n teqbaylit

NB: Zik nesseqdac "ṛ", "ț", "ʐ", maca mači tura (Kamal naït zerrad, tajerrumt tatrart n teqbaylit).

A

Ɛ

B

C

Č

D

Ḍ

E

F

G

Ǧ

H

Ḥ

I

J

K

L

M

N

O

P

Q

Ɣ

R

S

Ṣ

T

Ṭ

U

V

W

X

Y

Z

Ẓ

a

ɛ

b

c

č

d

ḍ

e

f

g

ǧ

h

ḥ

i

j

k

l

m

n

o

p

q

ɣ

r

s

ṣ

t

ṭ

u

v

w

x

y

z

ẓ

Tamselyut

• http://www.kabylia.info/radio/
• http://www.imyura.net
• http://www.radionumydia.com

Adelsumuɣ

• Si Amar ou Saïd Boulifa, Recueil de poésies kabyles. Texte zouaoua traduit, annoté et précédé d'une étude sur la femme kabyle et d'une notice sur le chant kabyle (airs de musique), Alger, 1904, 555 is. (taẓrigt tis 2 Alger-Paris, 1990, ISBN 2-906659-00-04)
• Adolphe Hanoteau, Poésies Populaires de la Kabylie du Jurjura, Paris, Imp. impériale, 1867 (aḍris s pdf)
• Auguste Mouliéras, Les Fourberies de Si Djeh'a, Wehran, Perrier, 1891
• Auguste Mouliéras, Légendes et contes merveilleux de la Grande Kabylie, Paris 1893-1895 (aḍris s pdf)