Tissist
| Tissist | |
|---|---|
 | |
| Tasensartut | |
| Tagelda | Animalia |
| Adu-tgelda | Bilateria |
| Adur | Arthropoda |
| Asmil | Arachnida |
| tafesna | Araneae Clerck, 1757
|
| Isali amatan | |
| Taɣbalut | taẓawt n tessist |
| Aṭṭan | tuqqsa n tessist d tugda n tessisin |
Tissist (isem ussnan: Araneae) d tafesna n teswermin yeṭṭafaren asmil n tessisin. Dɣa d nettat yakk i meqqren deg usmil-a, acku tegber seg wugar n 53.000 n telmas yebḍan ɣef 3700 n tewsitin d wugar n 100 n twaculin. Tissist ur telli ara seg yibureɣsen, maca d yiwet seg tissisin igan d afurk seg teswermin. Imi tefka assaɣ ɣer tɣirdmiwin yakk d isellufen d kra n iɣersiwen iswermiyen iwlalen (yettidiren deg yilel). Tilmas n tissist d tid yettidiren deg waṭas n yideggan n umaḍal, deg yakk inezwiyen, d tfelliyin (leɛliyat) yemgaraden. Tuɣ tegnit, ur tla ara (ur tesɛi ara) afriwen i wakken ad tefferfer neɣ igmamen n tuffẓa i wakken ad teffeẓ učči-ines. Ɣers 4 n tyuga n wallen d 8 n yiḍarren. Deg tmetti ntissist, d tawtemt iy bennun ixxamen d izeṭwan, iẓeṭwan-nni tessexdam-iten deg tuṭṭfa n tgemriwin acku d wid yuddsen (iǧehden) yakk deg ugama.
Alammi d useggas n 2025, llant wazal n 53.000 n telmas n tessisin yettusnemlen. Maca yal aseggas yettili-d usnirem d usismel n wazal n 1000 n telmas timaynutin s unect n World Spider Catalog. Anagar yiwet n telmest d iy tetten imɣan (Bagheera kiplingi), d yiwet n telmest tettidir deg waman (Argyroneta aquatica).
Tafesna n tissist d tiluẓarin s waṭas deg tama tamsilɣant d tsemmilant, maca deg tama tasnudrant ugtent yerna mgaradent, ama deg usexdem n uẓeṭṭa neɣ deg tkelli n ugmar neɣ ula deg umyaraw.