Tayland

Si Wikipedia, tasanayt tilellit.
Jump to navigation Jump to search
Tayland

Tayland, s talɣa tuɣzift tagldit n tayland, s tetaylandit prathet thaï, ประเทศไทย nɣ ratcha anachak thai, ราชอาณาจักรไทย, iga yan uwank n tazit n unẓul agmuḍan, tuwḍ tjumma nns 514 000 km². dat 1939, iga ism nns tagldit n syam. tswtta tt d birmanya g utaram d ugafa utrim, malizya g unẓul, kambudj g ugmuḍ d lawus g ugafa agmuḍan. tamaẓunt nns tga tt krung tib (krung thep) (กรุงเทพฯ, tamdint n inglusn), ttinin as awd bankuk.

tutlayt nns tunṣibt tga tt tetaylandit d tdrimt nns abaht. tga yat tgldit tamnḍawant sg 1932 g mi ittusmma ugllid s wudm unṣib anssixf n uwank, anssixf n iɣalln itturbebn, ig inḍfr n asgd abudi ig amstan ɣf tmttiwin akk tisgdanin. sg 1946, kigan n tasutin titaylandiyin ur ssinent ɣas yan ugllid, ad t igan d bumibul adulyadj (rama 9), nna ɣur tqquma tnbaḍt 70 n usggʷas, allig immut ass n 13 kṭubr 2016. yamẓ memmis maha fajiralungkurn (rama 10) adɣar nns g 1 dujanbir 2016. ig agllid wis 10 g twacunt tagldant tcakri nna ibaḍn sg 1782.