Shakira

Shakira Isabel Mebarak Ripoll (tlul deg 2 n furar 1977) d takulumbyant, d tacennayt, d tamyarut n tizlatin, d tamezḍaḥt, d tasegbart, yerna d tamallalt n yimeɣban. Tettwassen deg wuẓawan n pop d wuẓawan alatin n tura, armi i as-qqaren "Tagellit n wuẓawan alatin."

Tudert

Shakira tban-d s walbum-is Pies Descalzos (1995), i deg llant tizlatin "Estoy Aquí" d "Pies Descalzos, Sueños Blancos", i tt-yessulin d tamezwarut deg tkarḍiwin n wuẓawan n Tamrikt n Latin.^[1] Album Dónde Están los Ladrones? (1998) isbedd ccan-is deg Tamrikt n Latin.^[2] Album-is amezwaru s tenglizit Laundry Service (2001) yessuffeɣ-d tizlit "Whenever, Wherever" i yellan d tamezwarut deg waṭas n tkarḍiwin n ddunit, d tizlit "Underneath Your Clothes".^[3]

Album-is i d-yusan seg wuẓawan aspenyuli Fijación Oral, Vol. 1 (2005) d walbum s tenglizit Oral Fixation, Vol. 2 (2005) sɛan tizlatin yettwasnen am "La Tortura" d "Hips Don't Lie," i yellan d tizlit tamezwarut n tmeṭṭut n Tamrikt n Wenẓul deg tkarḍiwin n Billboard Hot 100 n Marikan.^[4] Album She Wolf (2009) yewwi-d ɣef tlelli d wuẓawan electropop,^[5] ma d Sale el Sol (2010) yewwi-d tizlit "Waka Waka (This Time for Africa)," i yellan d tizlit tunṣibt n Telɣuɣa n Ddunit 2010.^[6]

Album Shakira (2014) d El Dorado (2017) sfuɣen-d tizlatin am "La La La" d "Chantaje". Album Las Mujeres Ya No Lloran (2024) yusa-d seg wayen i d-tɛedda deg berru-is, yewwi-d ɣef tezmert n tlawin.^[7] Syin akin, Shakira tga yiwet n tuzzya n ddunit Las Mujeres Ya No Lloran World Tour (2025–2026), i d-yewwin rrebeḥ d ameqqran.^[8]

Shakira tzenz ugar n 95 n yimelyunen n yiḍebsiyen deg ddunit.^[9] Tesɛa kuẓ (4) n warrazen n Grammy, d mraw d semmus (15) n Latin Grammy.^[10] Tagnit-is deg "Super Bowl halftime" n 2020 (akk d Jennifer Lopez) d yiwet n tignatin i d-muqlen aṭas n medden deg umezruy.^[11] Berra n wuẓawan, tessebedd Fundación Pies Descalzos i uselmed n warrac deg Kulumbya,^[12] tga ṣṣut n Gazelle deg usaru Zootopia (2016) d Zootopia 2 (2025),^[13] tella d tamseddayt deg ubaɣur The Voice.^[14] Tella daɣen d yiwet n tanaẓurt i d-tabaɛen aṭas n medden deg yisebtar n tmetti, ugar n 90 n yimelyunen n wid i tt-id-itetabaɛen.^[15]

Tasfift n tizlatin

Albumen n ustudyu

Magia (1991)
Peligro (1993)
Pies Descalzos (1995)
Dónde Están los Ladrones? (1998)
Laundry Service (2001)
Fijación Oral, Vol. 1 (2005)
Oral Fixation, Vol. 2 (2005)
She Wolf (2009)
Sale el Sol (2010)
Shakira (2014)
El Dorado (2017)
Las Mujeres Ya No Lloran (2024)

Albumen n usayes

MTV Unplugged (2000)
Live & off the Record (2004)
Oral Fixation Tour (2007)
Live from Paris (2011)
Shakira in Concert: El Dorado World Tour (2019)
Anniversary: Oral Fixation (20th) and Pies Descalzos (30th) Live (2025)

Tamselyut

[1] “Pies descalzos” de Shakira cumplió 30 años: el disco que le abrió el camino por el mundo | TN

[2] '¿Dónde están los ladrones?', el éxito de Shakira que tiene una historia real en Bogotá

[3] Shakira Recalls Mammoth Crossover Moment as 'Laundry Service' Turns 20

[4] Shakira Insisted Label Add 'Hips Don't Lie' to Album

[5] 'Hips Don’t Lie' and 'Waka Waka': Top 10 Shakira pop songs that defined her global sound and chart dominance

[6] Shakira con su ‘Waka Waka’ destacó en exitoso concierto inaugural de ‘Sudáfrica 2010′ | Notas | BioBioChile

[7] La reconstrucción personal de Shakira en 'Las Mujeres Ya No Lloran', el álbum que marca su regreso

[8] Shakira Sets Record for Highest-Grossing Latin Tour of All Time

[9] Epson and Global Music Superstar Shakira Partner to Take Latin America by Storm | Epson US

[10] Shakira | Artist | GRAMMY.com

[11] J.Lo & Shakira Land Emmy Nods for Their Super Bowl Halftime Show & Other Nomination Highlights

[12] Shakira's New School Project: Changing Lives in Catatumbo -

[13] Shakira's 'Zoo' Song Gets Music Video Ahead Of 'Zootopia 2'

[14] Shakira to leave The Voice after just one season - Yahoo News UK

[15] Shakira, la reina de las redes sociales: 122 millions en Facebook y 94,1 millions en Instagram - Infobae

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]