Mmeslay:Ben Muhemmed

melmi i ilul umedyaz ben muhemmed

Ben Muḥemmed

Ben Muḥemmed

 Ben Muḥemmed (ism unṣib Benhamadouche Mohamed, mu ssawalen “Ben”) d amedyaz aqbayli d-ilulen ass n 10 di meɣres 1944 deg At Wasif, Tizi Wezzu.
  Yekker-d Ben Muḥemed ger taddart akk d Lezzayer tamaneɣt anda yettmuddu afus i baba-s yellan yesɛa tahanutt di place de Chartres. Maca deg useggas 1958, terra-t tmara ad yeggaǧ akk d ttwacult-is u ad idiren di Lezzayer. Di tmaneɣt, yelmed asefrek anazraf1 d wayen d-icudden ɣer twuri taḍeblant2 am akken yeqdec deg aṭas imukan am Tnebḍadt3 n Lezzayer ger iseggasen 1963-1975 akk d Uɣlif n ttrebga taɣelnawt4 si 1976 almi d ass m’ iruḥ ɣer Fransa di 1991.
Ben Muḥemed d win iɛellen aṭas n tmeɣriwin tinazranin15 akk d icennayen Crif Xeddam, Yidir, Ait Manguellet, Imaziɣen Imula atg, anda d-yeɣɣar tamedyazt-is, akk d ttemliliyin akk d imedyazen nniḍen i tɣuri n isefra, ama di Lezzayer neɣ di Fransa.
 Yettikki di tririt ɣer teqbaylit n tceqqufin umezgun n Kateb Yasin Ddem tabalizt-ik a Muḥ akk d Kahina. Am akken d-yerra ɣer teqbaylit iḍrisen