Line Marsa

Si Wikipedia, tasanayt tilellit.

Annetta Giovanna Gassion (id-ilulen s yisem n Maillard ;Livorno, 4 ɣuct 1895 - Paris, 6 furar 1945) d tacennayt tafransist i yettwassnen aṭas imi d nettat i d tayemmet n tcennayt tafransist i yettwassbnan aṭas Édith Piaf .

Gassion textar-d i yiman-is isem n umedyaz d Line Marsa ,tella d tacennayt deg yikabariten yernu d taceṭṭaḥt deg sirk .

Timẓi[ẓreg | ẓreg aɣbalu]

Tlul s yisem Annetta Giovanna Maillard, di temdint n Livorno deg Ṭṭelyan, deg wass n 4 ɣuct 1895 i sin n yimawlan ifransisen i yemlalen deg sirk di Ṭṭelyan .Baba-s d Auguste Eugène Maillard,id-yusan si temnaḍt n Loire deg Fransa, yemma-s d Emma n Saɛid U Muḥemmed i yellan d yelli-s n Saɛid U Muḥemmed umi aẓar-is yekka-d seg tmurt n Leqbayel, ilul deg Mugadur di Lmerruk d Margherita Bracco i yellan d taṭelyanit .

Tuddsa[ẓreg | ẓreg aɣbalu]

Marsa tella d tacennayt d yiwetn tceṭṭaḥt di sirk, isem n tmedyazt-ines yusa-d seg La Marsa d yiwen n Lmerṣa id-yezgan di Tunes .Yenna-d mmi-s Herbert, belli tesɛa imesli am winna n yelli-s maca leɛmer i tessin rrbeḥ d tmussni .

Tudert tazarugt[ẓreg | ẓreg aɣbalu]

Deg 4 ctumber 1914, tezweǧ d Louis Alphonse Gassion, i yellan d acennay yernu d axeddam di sirk, deg useggas id-iteddeun, deg 19 duǧember, tesɛa-d yelli-s tamezzwarut Édith Giovanna, ara yettwassnen umbeɛd s yisem n Édith Piaf. Deg 31 ɣuct 1918, turew-d mmi-s wis sin Herbert. Tekker-d Édith ɣer yemma-s n Annetta: Emma, imi tella d tigellilt yernu ayefki-ines ur yenfiɛ ara yelli-s mi ara ad tessuṭṭeḍ yernu imi tḥemmel argaz nniḍen. Maca tettwakkes-as imi ur d-cliɛ ara deg-s ,fkan-tt i yemma-s n Louis Gassion i yellan d tannemhalt n yiwen n uxxam n zzna .

Annetta d Louis msebran deg 4 di yebrir 1929, qqaren-d kra belli ur teɛawed ara zzwaǧ, wiyaḍ qqaren belli tezweǧ d yiwen n uxeddam di tbanka i tella tḥemmel.

Lmut[ẓreg | ẓreg aɣbalu]

Line Marsa temmut deg 6 furar 1945 deg Paris, imi texdem tugar-tadwilt di lehyuf (overdose), ur temḍil ara deg tmeqbert n Père Lachaise ɣer tama n yelli-s Edith Piaf akken i as-xedmen i baba-s Louis-Alphonse Gassion.