Eren Yager

Eren Yager d udem agejdan deg anime n Tenṭagt n yititanen ( attack on titan ) i yura Haǧimi Isiyama , d ilemẓi i yeggulen ad d-yerr ttaṛ i yemma-s i yečča yiwen seg yititanen ; hudden-as tamdint-is yellan deg ugadez n Cigancina s daxel n ṣṣur n Mariya , cwiṭ wwwiṭ yuɣal d netta ak i yǧehden deg umaḍal-is , yuweḍ armi yezmer ad-ineɣ akk imezdaɣ n umaḍal-is , deg tazzwara yella yezmer ad yessexdem sin n yititanen seg tẓa . Maca ur yelḥiq ara ad yesselḥu yiwen seg-sen imi xuṣṣen-t yidammen n yinesbaɣuren .

Awadem

Isem-is

Isem-agi n Eren d aterki . anamek-is amdan zeddigen neɣ agerram yezmer daɣen kif kif-it d wawal s ǧermanit erhn id-yemmalen nnif ma d aɣara-ines Yager d aɣara  yettwasnen aṭas gar yiminigen id-yunagen seg Lalman ɣer Marikan , ahat wwint-id seg yisem Ehrenjäger id-yemmalen aseyyad yettwagrmen .

Timẓi

ilul-d Eren deg ugezdu n Cigancina deg ṣṣr n Marya , yedder deg-s armi d aseggas n 845 ass mi kecmen "utitan bu tfekkaz tameqqrant " d "utitan bu uɣra" ssuṛ n Marya . Ass mi yesɛa tẓa n yiseggasen deg yila-s isellek-d Mikasa Akerman seg lmut , yefka-as akackul-is akken ad tesseḥmu , seg wass-nni armi d tasemhuyt tis kraḍ (03) ur t-kkis Mikasa

amek yegga Eren

eren d awadem agejdan deg tmacahut-nneɣ d aqcic imelḥen s wallen tizegzawin yettban-d seg tmurt n Lalman id-yusa . Akken it-id yemmel yisem-is d aseyyad , ur yettaɣ ara awal d ilemẓi i wumi ḥman yidammen , yettargu ad isellek imdanen seg lmut ad iwala d acu yellan s deffir n leḥyuḍ . Mi yella d agrud yessarem ad yekcem ɣer trebaɛt n unadi maca yemma-s Karla tugi-as . Yerfa Eren isuɣ ɣef yemma-s ikenna-tt nettat d yimesdurar s yiɣersiwen iwumi ur teɛǧib tudert

Tazmert n utitan

Tettunefka tezmert meqqren i Eren d tin n yititanen agi :

• Tin n utitan yebnan kullec : Yezmer Eren ad yesselḥ allaɣen n yakk ititanen ama d wid yesɛan tazmert ama d wid ur nesɛi ma yella teddukel tfekka-as d tin n yiwen seg twacult n yigelliden ( akka am tinna n Zek Yager "gma-s" ) ( yuwi-d eren tazmert-a seg tin yebnan kullec : ymir , deg tedyanin n tmacahut , akken ad yelḥeq ɣer yiwen n yiswi )

• Tin n utitan yettemɣen : Yezmer utitan yettemɣen ad yesɛu cfawat n wid i t-yesxedmen ama send n win n tura neɣ ardekal-ines , ttwalin izri d wurmir , yezmer ad yessexdem tazmert-ines akken ad yemmeɣ , d ayen i t-yerran seg yititanen iǧehden aṭas .

• Tin n utitan bu tefḍist : Atitan bu tefḍist yezmer ad yexdem leslaḥ seg tfekka-s melmi yebɣa , yesɛa-t Eren imi yečča Lara Tybur deg tsemhuyt tis ukkuz (o')