Babwa ginya tamaynut

Si Wikipedia, tasanayt tilellit.
Jump to navigation Jump to search
acnyal n babwa ɣinya
takrṭa

babwa ɣinya tamaynut (s tinglizt: Papua New Guinea) tga tamurt tzga dg azgn agmuḍan sg tagzirt n ginya tamaynut (tga awd tiss snat g timqqranin n tgzirin dg amaḍal) g anẓul ataram n unagraw amelwi، g umenẓaw uqyanya g tama n andunisya. tamaẓunt nns tamqqrant n tɣrmin nns burt mursbsi. d tiɣrmin tixatarin niḍn g babwa ginya tamaynut am: rabawl، wlay، d madang، d guruga. tamurt tbḍa i 19 n tɣiwant، tbḍa ɣaf kkuẓt tmnaḍin.

tiweḍ tmnaḍt g zikk dffir isnaramn isblyuniyn d ibrtqqizn. g useggas 1884 nna ybḍan i sin izgnen، azgn agafan yḍffir i lalman d wayḍ anẓul yḍffir i tgldit tabriṭanit. g usggas 1905 tḥtallt ustralya، tqqim tnbaḍt ar ma tiwi azarug nns dgs g usggas 1973، tzzurg akk g usggas 1975. nna zdaɣn ibabwaniyn iminsaluyn. uṭṭun n imzdaɣn nns yiwḍ nig 5545000 ufgan (asggas 2005) tajumma nns 475369 km².

llan imzdaɣn n babwa ginya tamaynut ɣr tirbaɛin d waṭṭas n iɣrifn ، yiwḍ uṭṭun n tutlayin d tantaliwib nna yllan dgs 820 n tutlayt. ynjm asnanaw agi n tutlayt d tdlsa xf addadn iṭubugrafiyn nna stbuɣla sis tgzirt، nna ybbin amsawaḍ jar waṭṭas n tirbaɛin . g lmrj amqqran yllan ammas n tgzirt yddr nig 50 ifḍ n wfgan bḍan ɣr iɣrifn nna ynxalfn d nɛazln s wanaw n tidt xf maṛṛa amaḍal ar asggas 1938 llig tzri taylalt aflla n lmrj d tsnaramtn.

da tsswuri tnbaḍt n babwa ɣinya tamaynut assa s tutlayt tinglizt am tutlayt n tmnhalt, da ttɛtaraf s snat tutlayin nniḍn am tunṣibin - "tuk bisin" sg "hiri mutu"، nna ganin tutlayin n kryul tbuɣla sg anawn rṭana ssxdmnt imzdaɣn sg tizdayin akd isbbabn urubiyn d tnbaḍt n listiɛmar deffir asnaram n tgzirt.