Arraz Nobel n Talwit 2025
Arraz Nobel n Talwit n 2025, d yiwen warraz agraɣlan n talwit i d-yesbedd Alfred Nobel di tewṣiyya-s, yettwaberreḥ-d ass n 10 Tuber 2025 sɣur Akabar Anurvijyan n Nobel deg Oslo, Nurvij. Yettunefk i María Corina Machado. Tafugla n usefsi n warraz-agi ad tili ass n 10 Dujembeṛ 2025 deg Oslo.
 Arraz Nobel n Talwit 2025 | |
|---|---|
|
https://upload.wikimedia.org/wikipedia/commons/4/4f/Mar%C3%ADa_Corina_Machado_portrait.jpg Arraz Nobel n Talwit n 2025 | |
| Tameddurt | |
| Taɣlent | tavinizwilit |
| Amahil | |
|
Winner of
| |
Akabar Anurvijyan n Nobel iccemmeṛ-itt imi i tt-yeḥseb am "yiwet seg yimedyaten yufraren n tebɣest taɣarimt deg Marikan Talatinit deg tallit-a taneggarut".
Deg wakud ideg d-yettwaberreḥ warraz-a, Machado tella teffer iman-is zdaxel n Venezuela, imi tuggad aḍlam n unabaḍ n Nicolás Maduro.
María Corina Machado
[ẓreg | ẓreg aɣbalu]Tlul Machado deg temdint n Caracas, Venezuela, deg useggas n 1967. Deg useggas n 1992, tesbedd-d Tuddsa Atenea iwakken ad talleɣ arrac n Caracas. Deg 2002, tella gar yimesbedden n tuddsa n Súmate, yiwet n tuddsa n uɛessi ɣef tefranin.
Tella Machado d tamasladt yettwafernen deg Agraw Aɣelnaw n Venezuela seg 2010 ar 2014, asmi i tt-yesseffeɣ unabaḍ n Nicolás Maduro. Deg useggas n 2023, teberreḥ-d ɣef tekki-s deg tefranin n tselwit n Venezuela n 2024, maca ugin-as ad tettekki, dɣa tedda i umnennid Edmundo González. Ikabaren n tmagalda mheggan iman-nsen akken ad suddsen yerna ad ɛassen tifranin-nni s wudem unnim. igmaḍen sseknen-d belli d González i d-yernan, maca anabaḍ n Maduro yenna-d d netta i d-irebḥen.
Nettat d Tavinẓwalit tis snat i d-irebḥen Arraz Nobel, deffir Baruj Benacerraf, i yebḍan deg useggas n 1980 Arraz Nobel n Tfizyuṛujit neɣ n Tujjya akked Jean Dausset d George Davis Snell.
isekkanen
[ẓreg | ẓreg aɣbalu]Ɣas akken isekkanen (nominations) ttwaḥrazen s teṣruma ɣer Ukabar azal n 50 n yiseggasen, mačči d ayen ixusfen ma berreḥen-d fell-asent ama d wid i d-isekknen, ama d wid yettwaseknen.
Ass n 5 Meɣres 2025, Akabar Anurvijyan n Nobel iberreḥ-d belli llan 338 yimnidden i Warraz Nobel n Talwit n 2025: gar-asen 244 d imdanen d 94 n tuddsa.
Isekkanen i d-yeffɣen
[ẓreg | ẓreg aɣbalu]Tafelwit-a dges kan isekkanen i ɣef d-yella wawal s wudem unṣib sɣur wid i ten-id-isekknen.
| Asekkan | Awanak | Ayɣer | Win i d-isekknen | Aɣbalu |
|---|---|---|---|---|
| Imdanen | ||||
| Francesca Albanese | ṬṬalyan | "Ɣef leqdic-is am umaray anmaylay n Tuddsa n Yeɣlanen Yeddukklen i Tmurt n Utaram ed Ɣezza, ed leqdic-is ameqran n tebɣest iwakken ad d-tesken anɣa n Ɣezza." | Aodhán Ó Ríordáin | |
| Ivan Alekseyev (Noize MC) | Rrus | "Imi s taɣect-nsen, mmalen-d tasuta tamaynut i d-yettmeslayen s lǧehd ɣef wazalen insananen." | Arnfinn Vonen d wiyaḍ. | |
| Elizaveta Gyrdymova (Monetochka) | Rrus | "Imi s taɣect-nsen, mmalen-d tasuta tamaynut i d-yettmeslayen s lǧehd ɣef wazalen insananen." | Arnfinn Vonen d wiyaḍ. | |
| Mahrang Baloch | Pakistan | "Ɣef umennuɣ-is war akukru mgal tufferin sennig lqanun, timeɣriwin extrajudicial, ed wemmar unnim di Balucistan." | ||
| Chow Hang-tung | Hong Kong | "Ɣef leqdic-is war astanfu i tugdut ed yizerfan n wemdan deg wakud n wemmar ameqran ed n wassaɣ." | Guri Melby | |
| Tuddsa | ||||
| Agraw n 6 Yennayer (yesbedd-it-id deg 2021) | Washington, D.C. | "Imi iḥudda s lǧehd ɣef yimenzayen n tugdut, n lqanun ed yizerfan n wemdan, yerna yesɛedda imenzayen-agi ugar n tikta tisertiyin." | Dag Øistein Endsjø | |