Anavaḍ aqvayli uɛḍil

Si Wikipedia, tasanayt tilellit.
(Yettusmimeḍ seg Anavaḍ Aqvayli Uεḍil)
Anavaḍ aqvayli uɛḍil
Isefka
Anaw gouvernement (fr) Suqel

TALALIT N UNABAḌ AQBAYLI UƐḌIL[ẓreg | ẓreg aɣbalu]

TANAḌT N° GZM/2010/02/ASAN/05 Aselway n Unabaḍ aqbayli uɛḍil

  • S usiked ɣer welɣu n Umussu adelsan amaziɣ - Agraw aɣelnaw n 5 yunyu 2001;
  • S usiked ɣer tɣettisin n Weswir imseddes n umussu n Timanit i Tmurt n Yeqbayliyen (MAK) n 14/08/2007

d yiḍrisen-is imenzayen yellan d Asenfar n Timanit n Tmurt n Yeqbayliyen (PAK) d Urkawal n Yizerfan n Wegdud Aqbayli d Tmurt n Yeqbayliyen (CDK);

  • S usiked ɣer usbeddi n Unabaḍ Aqbayli Uɛḍil n 21/04/2010;
  • S usiked ɣer tuzzeya n Useqqamu Aɣelnaw n Umussu n Timanit i Tmurt n Yeqbayliyen n 23/05/2010 yessersen M. Ferhat Mehenni,

s uẓarisem-is Ferḥat At Sɛid, d aselway n Unabaḍ Aqbayli;

  • S usiked ɣer tegrayin i n-rrant, deg 29/05/2010, tseqqamutt n uxemmem d tin n uciweṛ d usqerdec, yettwasbedden ass n 21/04/2010

IGZEM ITT

Amagrad I : Yettwasbedd-ed Unabaḍ Aqbayli Uɛḍil deg yinig, di Lpari.

Amagrad II : Win i t-yessulin d Aselway n Unabaḍ.

Amagrad III : Iswi-s d aslali n teɣsar tunṣibin n Tmurt n Yeqbayliyen d ugenses-nnsent ɣer udem n tejmaɛt tagraɣlant.

Amagrad IV : Ad idum alamma yeḍṛa-d usteɛṛef unṣib yiss d usteɛṛef s Tmurt n Yiqbayliyen d agdud yakk d aɣlan sɣur n Uwanak azzayri.

Amagrad V : Amḍan n yiɛeggalen-is ur yerkid ara. Taluft-a terza tamuɣli n uselway-is ara yeṭṭfen ṛṛay s uciweṛ n tseqquma tinselkamin n Umussu n Tmanit n Tmurt n Yeqbayliyen (MAK). Amagrad VI : Ɣef leḥsab n wakken yella umagrad V n tanaḍt-agi ya, yezmer uselway a d-yesseḍṛu ijeddilen iɣelfanen acemma icaweṛ tiseqquma tinselkamin n MAK.

Amagrad VII : Seg wass-a d tsawent, tanaḍt-a tegga leɛnaya.

Amagrad VIII : Tanaḍt-a a d-teffeɣ deg Weɣmis Unṣib n Unabaḍ.

Imugg ass n 31 Mayu 2010

Aselway n Unabaḍ, Ferḥat At Sɛid

Aɣmis Unṣib n Unabaḍ aqbayli uɛḍil [1][ẓreg | ẓreg aɣbalu]

Iswi n weɣmis unṣib n Unabaḍ Aqbayli Uɛḍil d asufeɣ s webrid n tira n tgezmin tunṣibin yettaṭṭaf Unabaḍ. Tigezmin-a rzant :

  • Aɛeggen n yineɣlafen d yemḍebbren imeqranen n unabaḍ (Imarayen imatuyen, imḍebbren n tedbelt n yeɣlifen, inemhalen iɣelfanen), ass m’ara d-bedden d wass m’ara ifak leqdic-nsen,
  • Asnulfu n tuddsiwin,
  • Isuḍaf n Unabaḍ.

Aɣmis unṣib n Unabaḍ iteffeɣ-d s tutlayt taqbaylit d tutlayt tafṛansist.

TAKARḌA N TNEKKIT TAQBAYLIT (KNQ)[ẓreg | ẓreg aɣbalu]

Tugna:Cartedidenditkabyle.jpg
Takarḍa n Tnekkit Taqbaylit

Seld timlilit n Wegraw Amatu umussu n timanit di Fransa n wass 18/01/09, i deg d-yella umeslay ɣef wesnulfu n TKARḌA N TNEKKIT TAQBAYLIT.

Seld asqerdec i d-iḍefren asarg n Mass Ferḥat At Sɛid, Aqerru umussu, ass n 12/09/2009 di Tmeɣra n Talsa di Lpari ɣef yismawen n Yeqbayliyen di tmurt-nsen.

Imi nefren a nerr tajmilt i yimezwura nneɣ u a nefk azal i yesmawen i deg ṭṭfen d igiman n iseggasen s yiwen uzamul yecvan takarda n tnekkit.[2]

Timselya[ẓreg | ẓreg aɣbalu]

  1. "Archive copy". Archived from the original on 2013-12-13. Retrieved 2012-03-08.CS1 maint: archived copy as title (link)
  2. "Archive copy". Archived from the original on 2012-05-17. Retrieved 2012-03-08.CS1 maint: archived copy as title (link)