Taneqqist d tawsit n tsekla i yellan deg yidelsan n ddunit merra akken tella ula deg yidles aqbayli. Zik-nni, tawsit-a teqqim kan deg tmawit am waṭas n tewsatin-niḍen (timucuha, isefra, inzan, timseɛraq…), ma d tura tezger ɣer tira (imi nezmer ad naf wid d-ijemmɛen ayen yellan deg teqbaylit, akken llan wid d-yessuqulen tineqqisin n yiɣerfan-niḍen am Kalila d Dimna akked tneqqisin n la Fontaine...) akken daɣ i tezger tneqqist ɣer ccna akked tiknulujit; ama ɣef yismilen n anternet neɣ ɣef tvidyutin.[ẓreg | ẓreg aɣbalu]
Tawsit-a, d ullis asugnan i d-yettasen ama s wudem n tesrit neɣ s wudem n tmedyazt, ad naf iwudam i yugten deg-s d iɣersiwen neɣ d tiɣawsiwin i yesɛan lewsayef n yimdanen; ttmeslayen llan gar-asen wungifen d wuḥricen...[ẓreg | ẓreg aɣbalu]
Sumata iswi n tneqqist d asedhu, d asezri n wakud, d ttrebga akked usɛeddi n temsirin d yixemmimen n tmetti seg tsuta ɣer tayeḍ imi s tneqqist tzemreḍ ad d-tmesleḍ allaɣ n ugrud akken i ak-ihwa, ad t-trebbiḍ, ad as-temleḍ ayen yelhan d wayen n diri. Tikwal daɣ sexdamen taneqqist akken ad sneqden neɣ ad d-wten deg liḥala tadamsant, tasertant, d tin n tmetti n tmurt s usexdem n uzamul yellan deg tewsit-a akken ur d-yettemlal ara bab-is iɣeblan. [ẓreg | ẓreg aɣbalu]
lebni n uḍris n tneqqist iga am win n tmucuha, akken daɣ i nezmer ad as-nexdem i uḍris n tmacahut azenziɣ amesgan d uzenziɣ n yiwudam i nezmer ad as-t-nexdem ula i tneqqist.[ẓreg | ẓreg aɣbalu]
