Amseqdac:Aqvayli.93

Tala Imaɣninen 1940.

Imazighen s umata aladɣa leqbayel , zedɣen deg temnadin deg ttilin waman , aman jjan amdan ad yezdeɣ, ad yebnu ixxamen yuɣalen d tudrin, ulac tardast deg ur llin waman, ulac taddart deg ur telli tala,

.............................................................................

Ma yahwa-yak d amkan anda ttemlilint tlawin n taddart akken ad d-agment isagmen , akken ad sirden iselsa , akken ad sizdgen tudert . Din ad meslayent ghef yal tamsalt ula d lecɣal n taddart macci kan d irgazen iten-iferrun ttekkant ula d nutenti di rray d temsal yurzen tudert nnsen s umata

.............................................................................

Tala n taddart daɣen din id-zaden azemmur deg umkan wumi qqaren "IHDHUNEN " , din it-zaden ssiriden-t, akken ad d-ssufɣen zzit .

........Tessemlalay-d tala sut t n taddart akken ma llant mezziyet neɣ meqqret , din id-yettili wawal d uɣerbel n temsal , d uleqqem n tmussni d ufran n wawal yesεan azal, tettrebbi-d tisutwin akken ad maggrent tilufa d twuɣa .............................................................................

Tala din id-ttilin daɣen isallen n taddart neɣ n tudrin nniden, neɣ n inedruyen iderrun di yal tama ula zik di tegrawla .

.............................................................................

Tala d azamul yessefk ad as-nerr tijmillin , tecfa-d i zik d tura, tecfa-d i umezruy d wayen iderrun, d aɣebaz n tudert d rray d ttrebga d tmussni ,, d aɣbalu ur nkeffu s waman , i yejjan taddart tesεa sser d tfulki , tettcuddu imezdaɣ s tegmat , tedhen ait taddart s lherma-s d nnif .

TM. 2966