Aksil (aɣersiw)
Aksil (Assaɣ ussnan: Panthera tigris) d aɣersiw asuṭad amseksum meqqren s waṭas yeṭṭafar tawacult n tserɣuda, Dɣa d netta ig meqren yakk deg twacult-is, Azunmenẓaw n Lhend d tamurt-is taẓaṛant anda i ttidiren wazal n 80% n iksilen n umadal, Aksil yettidir deg tẓegwa d tegnatin n tuga acku aglem-is imzerreg yettalel-it deg usengel (tuffra) i wakken ad tegmer tigemrawin-is yettazalen ugar-is, Aksil d amcic iy keccmen ar waman deg wussan n wezɣal ɣas akken ur yessin ara ad yerdeb am uyagwar
Agmar
[ẓreg | ẓreg aɣbalu]Aksil d aɣersiw amyiwen igemmer iɣersiwen imstugen imeqranen neɣ imnummsen n ubleɣ am izerzer d yilfan d imugayen n waman
Afgan d amihi agejdan iy tteggzen Aksil, acku igemmer Talmest-a s tuget i wakken ad yawi alemsir-is d yiɣsan-is yettwarna ɣef wannect-a agzam n tẓegwa iy ǧǧan ad yirẓ (ad yexser) idgan n tmezduɣt-i
Tugdudin d yidgan n tudert
[ẓreg | ẓreg aɣbalu]Amdan n iksilen d win yudren s waṭas, acku send n tsut llan ttidiren wazal n 100,000 n iksilen deg tɣennawt (lexlawi) maca tura uɣalen anagar 5,000 kan n iqerruyen deg telmest-a, ɣef wannect-a yessers-it Umuɣ azeggaɣ n IUCN d talmest yettwaggzen s umihi wengar
Azal ameqran n iksilen ttidiren deg usamar d uneẓul n Asya
Aglam
[ẓreg | ẓreg aɣbalu]Tiɣzi n weksil tettawaṭ ar 4 m (s uqeṛṛuy d tfekka d usallaf), yettazen alamma d 300 kg ayen yegdan azuk n kra n tserɣuda inegren.
Aksil d aɣersiw yettnamayen s waṭas acku tettidir seg Tayga deg Sibirya alamma d tegnatin n tuga deg Lhend