Akabar Asduklan Adzayri

Si Wikipedia, tasanayt tilellit.
Neggez ar: ẓer isebtar, anadi

Akabar Asduklan Adzayri (s tefrensist: Parti Communiste Algérien), d akabar asduklan ay d-sbedden yimeɣnasen ifrensisen n Dzayer (iḍarren iberkanen) akked yineṣliyen idzayriyen.

Tallalit[beddel | edit source]

Akabar-a ilul-d deg 1920 yerna yella d afurk n Ukabar Asduklan Afrensis. Maca deg 1936, yeqqel d akabar i yiman-nnes (s uttekki n Maurice Laban), yerna amaru-nnes amatu d ameɣnas adzayri Lbacir Ḥaǧ Aɛli.

Akabar ed Wemgaru n Dzayer[beddel | edit source]

Deg tezwara n 1955, Akabar Asduklan Adzayri yugi imenɣi imselleḥ n Yidzayriyen i lmend n uzarug (indépendance) n tmurt-nsen, maca deg Yunyu n useggas-nni, akabar-a yeqbel imenɣi-a yerna iga ifadden i yimeɣnasen-nnes akken ad ttekkin deg yimenɣi ɣer yidis n Yidzayriyen, d aya ay yejjan Fransa ad t-tegdel. Imeɣnasen n ukabar-a ttekkan deg kra n tiytiwin deg wemgaru n Ldzayer, gar-asent tadyant ay d-yellan deg 1956, aydeg Henri Maillot, yiwen seg yimeɣnasen-nnes, yesserwel yiwen n ukamyun n yemrigen (leslaḥat) i yemjuhad.

Sakkin Uzarug : Tagdalt[beddel | edit source]

Deg 1962, asmi ay tuwey Ldzayer azarug-nnes, anabaḍ (lḥukuma) adzayri yesteɛref s Ukabar Asduklan Adzayri, maca deg 1964, yegdel-it yerna yefsex-it. D aya ay yejjan amur ameqran seg yesduklanen idzayriyen ad ɛawden ad msegrawen ed ad d-sbedden Akabar n Tnezwart Tanemlayt (PAGS).