Abrid amṭalsu

Si Wikipedia, tasanayt tilellit.
Jump to navigation Jump to search
takrḍa n ubrid n lḥrir

abrid n lḥrir (s tacinwit taqburt: 絲綢之路، s tacinwit tatrart: 丝绸之路) iga yiwn seg ibriden yizdin , da dis zraynt trkafin d iɣrrabutn ylla ɣaf unẓul n asya „ d tazdayt n tcan (nna ittusmman s tcang an) g tmurt n ccinwa akd anṭakya deg turkya d kurya d japun. yusad ism n abrid n lḥarir sg tutlayt talalmanit ( Seidenstraße)، acku ysmmat amrakal alalmani fridinand fun ritcthufn g tasut tis tẓat d mraw.

yuɣal i ubrid n lḥrir atig amqqran ɣaf usbuɣlu n waṭṭas seg taɣrmawin tizaykutin am taɣrma tacinwit d taɣrma tamiṣrit d taɣrma tahindit d tɣrma tarumanit mk tuzn idɣarn uzmz atrar. iga ubrid n lḥrir seg wammasn n tsbbabt deg agafa n ccinwa acku da ybḍḍu ɣer sin wayyawn : agafa d anẓul. yzri ayyaw seg tmnaḍt n blgar-kibitcak d ɣaf ugmmuḍ n uruba d tamtagzirt n lqirm d ar ilel abeṛkan d yill n mrmara d lblqan akd tabunduqit. maca ayyaw n unẓul yzriy sg tmurt n turkstan d xarasan d ɣaf tamurt n jar isaffn d lɛiraq d anaḍul d surya ɣaf tadmr d anṭakya ar yill amllal anammas (ilel agrakal) d ɣaf teɣrmt n dimacq g ccam ar miṣṛa d agafa n tfriqt .