Ɛutman n ɛaffan

Si Wikipedia, tasanayt tilellit.
Jump to navigation Jump to search
ɛutman irḍa rbbi ɣafs

ɛutman iga amezwag amezwaru ɣer wakal n lḥabaca bac ayzmmem afra ntta d aṭṭas n imezwagen . dffir uya izwag tazwagt tiss snat ɣer tiɣrmt talmunwwart. amazan n rebbi muḥammad iga dis tidt da yttirit d ytkrramt s wafulki nnes n laxlaq nnes d tzdugi n tdukla nnes d idrimen nna yuca bac aynṣr imuslmen nna yumnen s rebbi، ybccrt rebbi s ljnt am abu bakr d ɛumar d ɛali d mraw wiyaḍ ، d ynna as blli ad immut am axafur.

ytbuyr ɛutman s lxlft dffir ccura nna yllan dffir tamttant n ɛumar n lxaṭṭab aseggas 23 h (644)، d tsul lxlaft nnes nig n sin d mraw useggas. g uzmz nns ysmun adlis n lquran d ysbuɣla timzgida n lḥaram d timzgida tanabawit،d nnurẓmn g uzmz nns uṭṭas seg timura d tmɣar twankt tamuslmt، g tmura nna yrẓmen g ussan n lxlift nnes : arminya d xarasan d karaman d sajistan d tafriqt d qubruṣ. yskr akabar yill anslam amezwaru g ustan n iftasen seg tinṭagin n ibizanṭiyen.

g uzgn wiss sin n lxlift n ɛutman nna isuln nig n sin d mraw useggas، nnan inɣmisen n taṭnnazt nna yiwin ɣr tmttant nnes g wass n asimwas 18 sg ayyur n dilḥijja aseggas 35 ahijri، lɛmmr nns tamraw d sin (82) usggas ، ymḍal g lbaqiɛ g tiɣrmt talmunwwart.