Tibergent

Seg Wikipedia
Neggez ar: ẓer isebtar, anadi

Llan aṭas n yimukan deg Ldzayer umi qqaren Tibergent. Deg twilayt n Mila (deg ccerq n tmurt-nneɣ), ger Ǧiǧel d Sṭif, tella yiwet n temdint d tamect'uh't qqaren-as "Tibergent". Daɣen, tella yiwet n taddart deg tama n Ḥemmam Melwan , deg Waṭlas Ablidi, qqaren-as "Tibergent".

Deg Tmurt n Leqbayel, awal "tibergent" anamek-is d aâecciw imdewwer', iseqqef s wedles (d yiwen yemɣi ttseqqifen yis-s ixxamen n zik akk d yiâecciwen). Aâecciw d axxam-nni yebnan s wesɣar u yesleɣ s wakal, tteffren deg-s medden amâic i lmal (iɣersiwen : izgaren, iɣyal, akraren, tiɣedd'en), ma d "tibergent" d aâecciw meqqren citt'at' u yemgerrad (yemxallaf) ɣef uâecciw n menwala imi ay d imdewwer'. Ur z'riɣ ara ma yella deg teqbaylit n H'emmam Melwan (ay d-mazal la tt-ttmeslayen ar ass-a), "tibergent" qesden-d yis-s ay-n ay d-nesqed nekni, yernu bɣiɣ diɣ ad z'reɣ ma sseqdacen awal-agi deg tentalyin timerr'ukiyin.

ɣer Yimuhaɣ, awal "tabergent" anamek-is d aqiḍun yettwaxedmen s weglim ay deg yella ucebbub. Yuɣ lḥal, Imuhaɣ ttgen iqiḍunen-nsen s weglim, yernu, s umata, aglim-nni yedbeɣ u ttekksen-as acebbub (cceâr'), maca aglim ay yes ttgen "tabergent"-agi ur as-kkisen acebbub. Imuhaɣ ttsemmin daɣen isem n "Intabergent". Isem-agi yekka-d seg "In" (win), rnu-yas "tabergent", anamek-is "bu tbergent". Isem-a d aklan n Yimuhaɣ ay yellan ttsemmin-t s waṭas.