Tazemmurt

Seg Wikipedia
Neggez ar: ẓer isebtar, anadi
Azemmur aberkan di useklu ines

Tazemmurt, d ttejṛa n tawsit Ulea n twacult n uleaseae. Yetwesfulleḥ deg aẓiyen n unezwu agrakal i ugummu ines, azemmur, yetaken zzit i ḥemmelen aṭas medden.

Tazemmurt tetwassen sɣur imaṣriyen n zik ugar n 20 timiḍiwin uqbel tallit tamasiḥit. Daɣen, d-yiwet deg leḥcawec i bderen aṭas deg Tibibelt. Seg Taglest, tazemmurt d azamul n temdint n Atene dɣa n taṛebbit-is. Asfulleḥ n tzemmurt teccɣel deg umaḍal 8.6 imelyunen ihektaren i tafarest n 17.3 imelyunen n iṭunen n izemran.


Tazemurt d aseklu id ittajen azemmur. Illa di yal n tmurat nallel alemas (méditerranéen).

Tţajad atas zit (zit u zemmur).

Qqarend tzmer a teddr 3000 isuggasen.

Deg tmurt n Yeqbayliyen, azemmur yesɛa azal ameqqran. Timizar n Yeqbayliyen ččurent d azemmur, i nesxdam ama i wucci ama iw zenzi deg leswaq.

Dγa Tamurt n Yeqbayliyen tettwasen s uzal ifkan imezdaγ-is iw zemmur d lγela-s. Aṭas n twaculin i yebdan ttheggint iman-nsent akken ad fɣen ɣer lexla ad d-leqḍent azemmur. Aseggas-agi, xas akken lɣella –agi teslek-as i tizzitt n uzemmur i s-yefkan tiyita ilindi, maca ur temniɛ ara deg iɣamacen. Tallit iwedjiben as tiniḍ d aseɣzef n unebdu, ula d tiqit n lehwa ur d-gli yas asmi d-tekcem. Ayen yeǧan azemmur yeqqim kan akken yella deg kra n imekwan, ladɣa deg iẓuṛaṛ anda tizmrin ulac anda ara d-summent tiqit n waman. Lḥebb d ameẓyan am cilmun, taglimt-is tekmec ɣef yiɣes. Atas deg-s ur yeṭṭif ara iman-s sufella n tzemmurt. Yefruri-d ɣer lqaɛa uqbel ma ad yebb. Deg kra n tɣiwanin n Bgayet, imdanen bdan yuɣ lḥal ajmaɛ n lɣella-nsen. Imezdaɣ n taddart Tibane, d-yezgan di tɣiwant n Sidi Aïche, fɣen ɣer lexla ddeqs aya. Atas deg-sen nnan-d d akken aseggas-agi bdan uqbel lawan alqaḍ n uzemmur. Sebba ten-yeǧan ad bdun ajmaɛ n lɣella-agi d lḥamu id d-yessefrurin yak azemmur ɣer lqaɛa. “Leqwaɛi n tzemrin yak ssan-t uqbel lawan. Senttif ad d-nejmeɛ aya-gi yellan, wala ma neǧat iḍaɛ”, id d-ennan kra n imezdaɣ d-nmuger.

Deg kra n tɣiwanin n lwilaya n Tizi wezzu, tizemrin ur sefrahen-t ara. Ifurkawen yettawiten waḍu. Llan-t kra ur d-eǧin-t ula d aɛeqqa. Dagi, tiwaculin mazal ur ɛnin-t ara ad d-sufɣen-t ttawilat sexdamen-t deg tallit-agi. Imextafen, tisennajin lak d lbican mazal-iten nnejmaɛen deg imekwan-nsen. Anda yegget lxir, imdanen fɣen, akken kan iɛedda ugeffur, ad cerwen leqwaɛi n tzemrin-nsen w’ad ksen tizzuyin d yemɣan nniḍen yegman ddaw neɣ tama n isekla. Ayen ara sen-yessishlen ajmaɛ n lɣella-nsen.

Di tama n Tugirett, imdanen yeffeɣ laɛqel mi walan iɣamacen n iweǧ iben ikemlen taɣart i wayen yellan yuɣ lhal yeqqur, yuɣal-iten-id rruḥ deg mi d-esawa, acku tugdi mazal-itt deg wulawen. Ula d nutin ur ttzuxxun ara aseggas-agi s lɣella ara d-awin.

Read more at http://www.depechedekabylie.com/ddk-tamazight/145421-lella-n-uzemmur-deg-tuddar-n-leqbayel.html#YeEr7sFhRY5cIdzO.99 https://upload.wikimedia.org/wikipedia/commons/thumb/1/10/Olive-tree-fruit-august-0.jpg/220px-Olive-tree-fruit-august-0.jpg