Tamacahutt n tsekkurt

TAMACAHUT

A sidi bab uγanim,

Ay uḥric fhem ḥesses !

Tella tezdayt di sseḥra

Akkenni γezzif yixef-is;

Lbaz iɛac s ufella-s

Tasekkurt deg yiẓuran-is.

Iqqim armi d yiwen wass

Imcawar d warraw-is;

Inṭeq umeqwran degsen

Inna-d deg wawal-is :

Efk-iyi-tt a baba ad tt-čeγ!

Di lebḥer ar neγbu rric-is!

Inna-yas gedha i memmi-s,

Mači d ṣyada n wukyis.

Ad d-alin iɛewwamen,

Ad d-mlilen d rric-is,

Ad yaweḍ lexbar leḍyur:

Lbaz iča taǧart-is.

Inṭeq-d ulemmas degsen

Inna-d deg wawal-is :

Ef k-iyi-tt a baba ad tt-čeγ!

Deg tesraft ar neγbuγ rric-is!

Inna-yas gedha i memmi-s,

Mači d ṣṣyada n wukyis.

Ad yaweḍ lweqt n rrḥa,

Kul wa ad issefqed tasraft-is.

Ad yaweḍ lexbar leḍyur:

Lbaz iča taǧart-is.

Inṭeq-d umecṭuḥ degsen,

Inna-d deg wawal is:

Ef k-iyi-tt a baba ad tt-čeγ!

Ad zwireγ di rric-is!

Inna-yas gedha i memmis,

D tagi d ṣṣyada n wukyis!

W' ičan tasekkurt ar tt-ifak

Isuk talaba f yimi-s;

Ma mmuteγ ǧiγ-d leɛmara:

Baba-k irgel umkan-is.

Iwaliwen n Ben Muḥemmed

Tizlit yarir Yidir.